Chiroyli ko’rinishga ega va juda mazali bu yarim oy shaklidagi rogaliklar og’izda erib ketadi. Asos sifatida ichiga har xil mahsulotlardan foydalanishingiz ham mumkin. Tayyorlanishi murakkab bo'lmagan bu pishiriq sizga va oila a'zolaringizga lazzatlanish baxtini ulashadi.
Kerakli masalliqlar:
300 gramm tvorog
300 gramm un
250 gramm saryog'
1 dona tuxum
Bir chimdim tuz
1 choy qoshiq qabartma
15 gramm vanilin
Asosiga:
Mevali murabbo
Shakar kukuni
Tayyorlash usuli:
1. Eng avvalo 250 gramm saryog' bilan unni non ushog'i holiga kelgunga qadar aralashtiring.
2. Unli qorishmaga tvorog, ko'pirtirilgan tuxum, tuz va shakarni qo'shing. 50 gramm unga qabartmani qo'shing va qolgan masalliqlarga qo'shib, yumshoq xamir qoring. Xamirni 2 ga bo'ling va paketga o'rab, 1 soatga muzlatgichga qo'ying.
3. Xamirni olib un sepib yumaloq shaklda yoying. Yoyilgan xamirni 4 ga bo'ling, 4 ga bo'lingan xamirni yana 4-5 qismga bo'ling.
4. Bo'lingan xamir qismlariga bir qoshiqdan ozroq murabboni soling. Muximi murabbo qo'yiq bo'lishi lozim ( oqib ketmasligi uchun).
5. Rogaliklarni to'g'ri va extiyotkorlik bilan o'rash juda ham muhim.
6. Tayyor rogaliklarni pergament yoyilgan pishirish qolipiga terib chiqing. Orasidan joy qoldiring, hajmi kattalashganda yopishib qolmasligi uchun.
7. Tayyor rogaliklarni 200 darajada qizdirilgan gaz pechida 15-20 daqiqa davomida pishiring. Tilla rang tusga kirgunga qadar.
8. Pishib chiqgan rogaliklarni ozgina sovuting va shakar kukunidan seping. Mazali rogaliklar tayyor!
Yoqimli ishtaxa!
