Ko'pchilik tovuq tabakasini juda ham murakkab, restoran taomi deb o'ylaydi. Bu ovqat tayyorlash qobiliyatini va ba'zi bir maxsus mo'jizani talab qiladi deb o'ylashadi. Aslida, siz tasavvur qilayotganingizdan ko'ra, hamma narsa osonroq. Tovuq tabakasini oddiy tovada tayyorlash ham mumkin. Buning uchun siz hajmi kichik bo'lgan tovuqni tanlasangiz bas.
Kerakli masalliqlar:
600 - 800 gramm hajmdagi butun tozalangan tovuq
5 dona sarimsoq donachalari
2 choy qoshiq quritilgan ko'katlar
Tuz, ziravorlar va murch
O'simlik yog'i (qovurish uchun)
Tayyorlash usuli:
1. Tovuqni yaxshilab yuving. Ko'krak qismi bo'ylab o'rtasidan bo'ling. Juva yoki oshxona bolg'asi yordamida ustki qismidan urib chiqing.
2. Extiyotkorlik bilan tovuqni avval tuz bilan, so'ng maydalangan sarimsoq bilan ishqalab chiqing. Ziravorlar va qurigan ko'katlar bilan tovuqning barcha qismlarini ishqalab chiqing.
3. Qizdirilgan tovaga 2 - 3 osh qoshiq o'simlik yog'idan quying. Yog' qizigandan so'ng tovuqni ichki qismini pastga qaratgan holda tovaga soling va presslab ezing.
4. Misol uchun tovuqni presslashda suv to'ldirilgan kastryulani ishlatishingiz mumkin. Faqat tovuq ustini pergament qog'ozi bilan berkiting.
5. O'rta olovda tovuqning har bir tomonini presslab, 8 - 10 daqiqa davomida qovuring. So'ng, 5 daqiqadan tovaning qopqog'i ostida qovuring.
6. Tabakani hohishingizga ko'ra sous bilan, limon va ko'katlar bilan bezagan holda dasturxonga tortishingiz mumkin.
7. Shuning bilan kechki ovqat uchun tabaka tayyor!
Yoqimli ishtaxa!
