Bugun biz sizlarga noan'anaviy va mazali keks retseptini taqdim etamiz. Eng qizig'i shundaki, bu shirinliklar turiga kiruvchi keks emas, balki mazali taom o'rnini egallovchi go'sht va boshqa mazali mahsulotlardan tayyorlangan keksdir. Kundalik menyuga o'zgartirish kiritishni hohlaysizmi ? U holda darhol ushbu keksni tayyorlang va yaqinlaringizga taomdan lazzatlanish baxtini taqdim eting.
Kerakli masalliqlar:
200 gramm un
350 gramm dudlangan kolbasa yoki go'sht
400 gramm loviya konservasi
100 gramm pishloq
100 gramm smetana
100 gramm mayonez
3 dona tuxum
1 stakan un
1 choy qoshiq sirkada o'ldirilgan ichimlik sodasi
1 bog' ukrop ko'kati
Qolipni surtish uchun o'simlik yog'i
Tayyorlash usuli:
1. Hohishingizga ko'ra har qanday kolbasa turi yoki go'shtdan foydalanishingiz mumkin. Tanlangan go'sht yoki kolbasani mayda bo'laklarga bo'ling. Loviya konservasini suyuqligidan ajrating. Loviya, mayda to'rg'algan ukrop va kolbasani aralashtiring.
2. Chuqur idishda tuxumlarni ko'pirtiring. Smetana va mayonezni qo'shib aralashtiring. O'ldirilgan ichimlik sodasi, unni qo'shib, bir xil konsistensiya hosil bo'lguncha ko'pirtiring.
3. Suyuq xamirni kolbasa aralashmasi bilan birlashtiring va yaxshilab aralashtiring. Tayyor xamirni yog' surtilgan pishirish qolipiga quying.
4. 180 darajada qizdirilgan gaz pechida 40 daqiqa davomida pishiring. Keks tayyorligini yog'och shish bilan tekshiring.
5. Tayyor keksni ozgina sovuting va qalin bo'laklarga bo'lib, dasturxonga torting.
Yoqimli ishtaxa!
