Tovuq filesidan tayyorlangan xushbo’y va mazali kaboblar — juda oson tayyorlaniladigan taom bo’lib, hatto pazandachilikdan umuman xabari yo’q bekalar ham uni bemalol tayyorlay oladilar. Sanoqli daqiqalar ichida esa ko’rinishi bilan ishtahani ochib yuboradigan taom dasturxoningizda muntazir bo’ladi. Aziz bekajonlar retseptni albatta saqlab qoling!
Kerakli masalliqlar:
- 2 dona tovuq go'shti filesi
- 2 osh qoshiq o'simlik yog'i
- 2 dona sarimsoq tishchasi
- 1 osh qoshiq shakar
- 1 osh qoshiq koriandr ziravori
- 1 osh qoshiq soya sousi
- ta'bga ko'ra chili va tuz
Tayyorlash usuli:
1. Kabob uchun cho'plarni 30 daqiqaga uyutib qo'ying. Tovuq go'shti filesini uzunligi bo'ylab kesing.
2. Tovuq go'shti bo'laklarini birma-bir cho'plarga, zich holda o'tkazing va marinadga soling. Marinad uchun: o'simlik yog'i, shakar, koriandr ziravori, soya sousi, maydalangan sarimsoq, tuz va chili ziravorini birlashtiring. Kabob solingan idish ustini yopgan holda, 2 soatga muzlatgichga olib qo'ying.
3. Belgilangan vaqt o'tib, pechni 200 darajada qizdirishga qo'ying. Kaboblarni qulay bo'lgan pishirish qolipiga terib chiqing va 20 daqiqa davomida pishiring.
4. Kabob ishtaxa ochar tilla tusga kirib, pishishi lozim. Kabobni bu vaqt mobaynida bir bor aylantirib qo'yishni unutmang. Mazali kabob tayyor!
Yoqimli ishtaxa!
