Bekajonlar salatning nomini o'qib hayratlandingizmi? Hayratlanishga aslo hojat yo'q! Noan'anaviy usulda biroq, juda ham mazali salat retseptini taqdim etaman. Suluguni pishlog'idan tayyorlangan salat nozik va ajoyib ta'mga ega bo'lib tayyorlanadi. Yengil tushlik yoki kechki ovqat o'rnini egallovchi salat aynan shudir.
Kerakli masalliqlar:
⦁ 70 gramm suluguni pishlog'i
⦁ bir hovuch quritilgan non ushog'i
⦁ 10 grammdan frisse salat bargi, ismaloq, rukolla, kress salat bargi
⦁ zaytun yog'i
⦁ 1/2 dona qizil piyoz
⦁ 1/2 dona pomidor
⦁ 1/3 turp sabzavoti
⦁ 1 dona tuxum
Tayyorlash usuli:
1. Suluguni pishlog'ini o'rtacha qalinlikda bo'laklarga bo'ling.
2. Tuxumni venchik yordamida ko'pirtiring.
3.Pishloq bo'lagini tuxumga botiring.
4. So'ng, qurigan non ushog'iga yumalating.
5. Qaytadan yana bir bor tuxumga va quritilgan non ushog'iga yumalating.
6. Pishloq bo'laklarini laganga tering. Salat tayyorlangandan so'ng, qovurib olasiz.
7. Turp sabzavotini yupqa parrak, qizil piyozni yarimhalqa va pomidorni esa hohishingizga ko'ra bo'laklarga bo'lib chiqing.
8. Salat barglarini birlashtiring, turp va piyozni uchrashtiring. Zaytun yog'i quyib, aralashtiring. Salat tayyorlanadigan laganga salatni soling, pomidor bo'laklarini terib chiqing.
9. Panirovka qilingan pishloqni tovada qizdirilgan yog'da, har tomonlama 2-3 daqiqadan qovuring. Pishloq bo'lagining ustki qismi tilla tusda, qarsildoq bo'lishi lozim.
10. Qovurilgan pishloqni salat va pomidor bilan uchrashtiring. Salat tayyor!
Yoqimli ishtaxa!
