E'tiboringizga hushbo'y asos va mazali pechenya retseptini taqdim etamiz. Ushbu pechenya kechki ovqatdan so'ng issiq choy bilan tanovvul qilish uchun ajoyib tanlov. Azizlar ishoning tez tayyorlanadigan ushbu pechenyani tayyorlagan vaqtingizning o'zidayoq g'oyib bo'lib qoladi. Sababi yaqinlaringiz uchun juda ham ma'qul bo'lishi turgan gap.
Kerakli masalliqlar:
3 osh qoshiq smetana
3 osh qoshiq o'simlik yog'i
50 gramm saryog'
225 gramm shakar
1 dona tuxum
250 gramm un
1 choy qoshiq qabartma
1 dona apelsin
1 osh qoshiq kraxmal
Tayyorlash usuli:
1. Tuxumni venchik yordamida ko'pirtiring, 5 osh qoshiq shakar soling, ko'pirtirishda davom eting.
2. Tuxumli massaga yumshatilgan saryog', o'simlik yog'i, smetana, qabartma va un aralashmasini soling.
3. Birlashtirilgan mahsulotlardan yumshoq va cho'ziluvchan xamir qoring.
4. Xamirni 4 qismga bo'ling, oziq-ovqat plonkasiga o'rang va muzlatgichga olib qo'ying.
5. Apelsinni yuving va quriting. Go'sht maydalagichdan o'tkazing (tozalash shart emas).
6. Apelsinga 100 gramm shakar va kraxmalni soling. Tovaga soling va quyuqlashgunga qadar tayyorlang (bu jarayon 1-2 daqiqani o'z ichiga oladi). So'ng, sovuting.
7. Xamirning bir qismini to'rtburchak shaklda yoying, asosning 1/4 qismini tekislab soling.
8. Extiyotkorlik bilan rulet shaklida o'rang.
9. O'tkir pichoq yordamida, 3-4 sm qalinlikda kesib chiqing. Qolgan asos va xamir bo'laklari bilan ham shu holni takrorlang.
10. Pergament qog'ozi yozilgan pishirish qolipiga tering, 180 darajada qizdirilgan pechda 15-20 daqiqa davomida pishiring. Pechenyalarni oshxona panjarasida sovuting. So'ng, yaqinlaringizga taqdim eting.
Yoqimli ishtaxa!