Nozik, yorqin va juda ham foydali taomlardan birini e'tiboringizga taqdim etamiz. Foydalanilgan barcha masalliqlar vitaminlarga va foydali elementlarga boy bo'lib, nafaqat kattalarga balki, bolalar uchun ham foydalidir. Dasturxon davrasida barcha uchun ma'qul bo'luvchi taomni albatta tayyorlang!
Kerakli masalliqlar:
100 gramm kartoshka
25 gramm porey piyozi
20 gramm oddiy piyoz
10 gramm saryog' va o'simlik yog'i
20+10 gramm brokolli (10 gr bezash uchun)
250 gramm baliqli bulyon
1 gramm murch va tuz
20 gramm losos balig'i (filesi)
10 gramm semga balig'i kremi
Tayyorlash usuli:
1. Kartoshkani tozalang va to'rtburchak shaklda to'rg'ang. Shuningdek piyozni ham to'rtburchak shaklda to'rg'ang.
2. Porey piyozini oq qismini ajratib to'rg'ang.
3. Kartoshka, piyoz va porey piyozini birlashtiring. O'simlik yog'ini quying.
4. Ozgina suv quying va sabzavotlar yumshoq holga kelgunga qadar pishiring.
5. Tovaga saryog'ni soling, o'simlik yog'i quying.
6. Brokolli karamini soling. Karamdan bir kichik qism qoldiring.
7. Yengil qovuring, baliqli bulyonni quying va butunlay tayyor bo'lgunga qadar pishiring.
8. Aloxida idishda, tuz solingan suvda, qoldirilgan brokolli karami qismini pishiring.
9. Losos balig'iga tuz va murch sepib, surtib chiqing.
10. Zaytun yog'ida losos balig'i bo'lagini qovuring.
11. Pishirilgan brokolli karamini blender yordamida, bir xil massa hosil bo'lgunga qadar pyurelang.
12. Sabzavotlar jamlanmasini ham shuningdek, pyurelang.
13. Saryog'ni eriting va sabzavotli pyureni birlashtiring.
14. Brokolidan tayyorlangan pyureni quying.
15. Aralashtiring, tuz va murch soling.
16. Semga balig'i kremini soling, aralashtiring.
17.Extiyotkorlik bilan tayyor krem-pyureni idishga suzing.
18. Baliq bo'lagi va brokolli bo'lakchalari bilan bezating.
19. Nozik va mazali taomni dasturxonga torting. Dasturxon davrasida barchani lol qoldiring.
Yoqimli ishtaxa!
