Ajoyib gazak! Har qanday quyuq taomga qo'shimcha sifatida dasturxonga tortilsa ishoning hech kimning e'tiboridan chetda qolmaydi. Tez tayyorlanishi va hushbo'y ishtaxa ochar mazasi bilan sizni lol qoldiradi.
Kerakli masalliqlar:
1 dona baqlajon
200 gramm tvorog
1 dona sarimsoq donachasi
50 gramm qattiq pishloq
1 bog' petrushka
Qovurish uchun o'simlik yog'i
Ta'bga ko'ra tuz va murch
Tayyorlash usuli:
1. Baqlajonni uzunasi bo'ylab, parrak shaklda kesing. Tuz seping va 10 daqiqaga qoldiring. Qog'oz sochiq bilan ajralgan suvini artib oling.
2. Har bir baqlajonni o'simlik yog'i bilan surtib chiqing. Qizdirilgan quruq tovada baqlajonlarni qovuring. Qog'oz sochiqga oling, ortiqcha yog'i ajralishi uchun.
3. Sarimsoq va petrushkani maydalab to'rg'ang. Ko'kat va sarimsoqni qoshiqda ezib aralashtiring.
4. Tvorog, qirg'ichning kichik tomonidan chiqarilgan pishloq, sarimsoqli ko'katni birlashtiring, ta'bga ko'ra tuz va murch soling, aralashtiring.
5. Har bir baqlajon bo'lagiga osh qoshiq tayyorlangan asosdan soling, rulet qilib o'rang. O'ralgan ruletga tish pichog'i sanching.
6. Tayyorlangan ruletlarni hohishga ko'ra ko'kat shoxchasi bilan bezating. Dasturxonga torting.
Yoqimli ishtaxa!
