Nozik va juda ham foydali tort. Bolajonlar va kattalar uchun juda ham ma'qul bo'ladi. Birzumda tayyor bo'ladigan ushbu tort dasturxondan o'zining yorqin o'rnini egallaydi.
Kerakli masalliqlar:
Xamir uchun:
0,5 stakan smetana
0,5 stakan shakar
3/4 stakan un
1 choy qoshiq ichimlik sodasi
1 dona tuxum
80+130 ml suv (sirop va bezash uchun)
Blanmanje uchun:
400 gramm tvorog
100 ml sut
10 gramm jelatin
2 dona banan (asosiga)
4 gramm ya'ni 0,5 paket jele (rangsiz va tez soviydigan)
1 dona shaftoli bezash uchun
Tayyorlash usullari:
1. Birinchi navbatda tort korjini tayyorlang. Barcha masalliqlarni birlashtiring, mikserda ko'pirtiring va 30 daqiqaga muzlatgichga qo'ying. Belgilangan vaqt o'tib, xamirni yog' surtilgan pishirish qolipiga quying.
2. Korjni 200 darajada qizdirilgan gaz pechida, qizargunga qadar pishiring. Sovuting. Shakar va suvni aralashtirib, sirop tayyorlang. Sirop yordamida korjni shimdiring.
3. Bu vaqt mobaydida blanmanjeni tayyorlang. Jelatinni 100 ml isitilgan sutda, 30 daqiqaga uyuting.
4. Blendr yordamida tvorog, shakar va smetanani aralashtiring.
5. Uyutilgan jelatinni doim aralashtirgan holda, qaynash darajasiga olib boring. Jelatinli massani tvorogli massa bilan birlashtiring va extiyotkorlik bilan aralashtiring.
6. Bananlarni yupqa bo'lakda kesing. Korj ustidan terib chiqing. Terilgan banan ustidan tvorogli massani soling. Hohishingizga ko'ra boshqa mevalardan foydalanishingiz ham mumkin.
7. Tortning ustki qismini shaftoli bo'laklari bilan bezating. Jeleni tayyorlab quying. Tayyor tortni 3-4 soatga muzlatgichga qo'ying. Belgilangan vaqt o'tib nozik va mazali tortni yaqinlaringizga taqdim eting.
Yoqimli ishtaxa!
