«Оreo» pechenyelarini xuddi bizlarga o’xshab yaxshi ko’rasizmi? Shokoladli keks va sariyog’li krem oddiy retseptdek go’yo, ammo juda ham mazali. O'zi kichik bo'lishiga qaramay dasturxon davrasida barchaga birdek manzur bo'luvchi shirinliklar.
Kerakli masalliqlar:
100 ml o'simlik yog'i
2 ta tuxum
120 gramm shakar
180 ml sut
300 gramm un
4 osh qoshiq kakao
1 choy qoshiq qabartma
250 gramm tvorogli pishloq
150 ml qaymoq
2 osh qoshiq shakar upasi
0.5 choy qoshiq vanilin
10-12 dona "oreo" pechenyesi⠀
Tayyorlash usuli:
1. O'simlik yog'i, shakar va tuxumni bir idishga birlashtiring. Venchik yordamida ko'pirtiring.
⠀
2. Sutni quyib, aralashtiring. So'ng, un va kakao kukunini elab soling va aralashtiring.
⠀
3. Kopkeyk tayyorlanadigan qolipchalarni yog'lab (qog'ozli qolipchalarni yog'lash shart emas), xamirni 3/4 taqsimda quyib chiqing. Oldindan 180 C darajada qizdirilgan pechda 25 daqiqa davomida pishiring. Pishgan kapkeyklarni pech panjarasida sovuting.
⠀
4. Bu vaqt mobaynida kremni tayyorlashga kirishing. Qaymoq bilan tvorogli pishloqni silliq holatga kirgunicha, mikser yordamida ko'pirtiring. So'ng shakar upasi va vanilinni sepib, yana ozroq ko'pirtiring.
⠀
5. Kremni pishiriq qopchasiga solib, sovigan kapkeyklarni "yulduzcha" uchligi bilan bezatib chiqing. Ustidan esa "Oreo" pechenyelarini butunligicha yoki maydalab sepib chiqing. Hohishingizga ko'ra qirg'ichdan chiqarilgan shokolad bilan bezashingiz ham mumkin.
⠀
Yoqimli ishtaha!
