Juda ham mazali! Taomnoma uchun yangilik! Tayyorlanishi oddiy, natijasi esa dasturxon davrasida barcha uchun manzur bo'ladi. Chinakam lazzatlanish baxtini ulashadi. Ushbu retseptni albatta tayyorlang!
Kerakli masalliqlar:
400 gramm un (ko'proq kerak bo'lishi ham mumkin)
1 dona tuxum
4 dona tuxum sarig'i
Bir chimdim tuz
50 ml suv
125 gramm mosarella
5 gramm rayhon
200 gramm qaymoq
50 gramm pesto sousi
Tayyorlash usuli:
1. Birinchi navbatda xamirni tayyorlang. Tuxum, suv va tuzni un bilan birlashtiring, xamir qoring. Xamirni 45 daqiqaga, usti yopiq holda qoldiring.
2. Asosni tayyorlang. Mosarella va ko'katni mayda shaklda to'rg'ang. Tayyorlangan asosdan kichik yumaloq shakllar hosil qiling.
3. Xamirni ikki qismga bo'ling va yupqa qalinlikda yoying. Xamirning yoyilgan bir qismiga suv seping. Asos sharchalarini soling va ikkinchi xamir qismini yoping.
4. Qolip yordamida raviolilarni kesib oling. Tayyor raviolilarni 5-6 daqiqa davomida, suvda pishiring. So'ng, tovaga soling va qaymoq, pesto sousini quying. Past olovda sous quyuqlashgunga qadar pishiring.
5. Tayyor raviolilarni mosarella bo'lagi va ko'kat shoxchasi bilan bezating. Mazali va nozik raviolilarni dasturxonga torting.
Yoqimli ishtaxa!
