Juda ham mazali baton ! Yumshoq va hushbo'y. Tayyorlanishi oddiy, natijasi esa sizni lol qoldirishi turgan gap. Dasturxon davrasida barcha uchun manzur bo'lib, lazzatlanish baxtini taqdim etadi. Taomnoma uchun chinakam yangilik. Ushbu retseptni albatta tayyorlang !
Kerakli masalliqlar :
300 ml suv
10 gramm xamirturush
1 choy qoshiq shakar
2 osh qoshiq o'simlik yog'i
1 choy qoshiq tuz
400-450 gramm un
Shuningdek :
Tuxum sarig'i va kunjut
Tayyorlash usullari :
1. Suvni isiting va shakar qo'shing.
2. Xamirturushni soling.
3. 150 gramm unni soling. Aralashtiring. Ustini yopib, issiq joyga olib qo'ying.
4. Tayyorlangan massa hajmi ikki baravarga ko'tarilishi lozim.
5. O'simlik yog'i va tuzni soling.
6. Qolgan un qismini soling, o'rtacha yumshoqlikda xamir qoring. Xamir ustini yopib issiq joyga olib qo'ying.
7. Xamir hajmi ko'tarilishi lozim (taxminan 30 daqiqa davomida).
8. Xamirni 3 qismga bo'ling. Pishirish qolipiga pergament qog'ozi yozing. Xamir qismlarini uzun shaklda yoying.
9. Xamir bo'laklari bosh qismini birlashtiring.
10. Xamirning qolgan qismini o'rib chiqing. Pastki qismini zich holda yopishtiring.
11. Baton ustini yoping va 10 daqiqaga chetga oling.
12. Baton ustini tuxum sarig'i bilan surting.
13. Kunjutni seping. 180 darajada qizdirilgan gaz pechida 35-40 daqiqa davomida pishiring.
14. Yumshoq va mazali batonni yaqinlaringiz e'tiboriga taqdim eting.
Yoqimli ishtaxa !
