Ajoyib desert ! Nomiga munosib, nozik va mazali desert. Tayyorlanishi oddiy, natijasi esa sizni lol qoldirishi turgan gap. Dasturxon davrasida hech kimning e'tiboridan chetda qolmasligi turgan gap. Taomnomangiz uchun ajoyib yangilik. Buni albatta sinab ko'ring !
Kerakli masalliqlar :
150 gramm shakar
150 gramm saryog'
3 dona tuxum
450 gramm qirg'ichdan chiqarilgan sabzi
10 gramm qabartma
350-400 gramm un
Krem uchun :
300 gramm smetana
100 gramm shakar
Tayyorlash usullari :
1. Saryog'ni shakar bilan aralashtiring.
2. Tuxumni soling va aralashtiring.
3. Sabzini soling va aralashtiring.
4. Un va qabartmani solib, quyuq xamir qoring.
5. Xamirni ikki qismga bo'ling. Ikkita korj pishiring. Yog' surtilgan pishirish qolipiga xamirning bir qismini quying va tekislang. 180 darajada qizdirilgan gaz pechida 30-35 daqiqa davomida pishiring. Korjlar tayyor bo'lganligini tish pichog'ida tekshiring.
6. Kremni tayyorlang. Smetana va shakarni aralashtiring.
7. Korjning birini desert yig'iladigan idishga qo'ying, krem surting. Ikkinchi korjni qo'ying, krem surting.
8. Desert ustini hohishingizga ko'ra bezating. Maydalangan yong'oq va shokolad bilan bezatish ham mumkin. Bu retseptda desert usti mastika bilan bezatilgan. Tayyor desertni yaqinlaringiz e'tiboriga taqdim eting.
Yoqimli ishtaxa !
