Juda ham mazali tort ! Bayram dasturxoni uchun ajoyib tanlov. Tayyorlanishi oddiy, mazasi esa mo'jizaviy lazzatlanish baxtini taqdim etishi turgan gap. Yaqinlaringiz uchun albatta tayyorlang va hushkayfiyat ulashing.
Kerakli masalliqlar :
200 gramm shokolad
200 gramm saryog'
7 dona tuxum
150 gramm shakar
250-300 gramm un
100 gramm kraxmal
100 gramm qatirilgan non ushoqlari
2 choy qoshiq vanilin shakari
2 choy qoshiq qabartma
Krem uchun :
300 gramm yangi yoki muzlatilgan, danaksiz gilos
500 gramm smetana
150 gramm shakar
Tayyorlash usullari :
1. Shokoladni suv xammomida eriting.
2. Saryog'ni shakar va vanilin shakari bilan aralashtiring.
3. Tuxum oqlardan sariqlarni ajrating. Tuxum sariqlarini saryog'li massaga qo'shing va aralashtiring.
4. Eritilgan shokoladni saryog'li massaga qo'shing, bir xil konsistensiya hosil bo'lgunga qadar aralashtiring.
5. Kraxmalni qo'shing.
6. Maydalangan non ushog'ini qo'shing.
7. Un va qabartmani qo'shing va aralashtiring.
8. Tuxum oqlarini yengil ko'pik holigacha ko'pirtiring.
9. Ko'pirtirilgan tuxum oqini shokoladli massaga qo'shing.
10. Extiyotkorlik bilan aralashtiring.
11. Pishirish qolipini yog' bilan surting. Tayyorlangan xamirni soling, tekislang. 180 darajada qizdirilgan gaz pechida 25-30 daqiqa davomida pishiring. Shu tarzda 2 ta biskvit noni pishiring.
12. Krem uchun : smetana va shakarni aralashtiring.
13. Har bir pishirilgan biskvitni ikki qismga bo'ling.
14. Biskvit noni ustidan kremning bir qismini surting.
15. Krem ustidan ikkinchi biskvit nonini qo'ying.
16. Krem surting.
17. Gilosni terib chiqgandek soling.
18. 3 biskvit nonini qo'ying, krem surting. Oxirgi biskvit nonini yoping. Qolgan krem qismi bilan tort ustini yoping. Tortni hohishingizga ko'ra bezating. Tayyor tortni 1 soatga muzlatgichga qo'ying. So'ng, yaqinlaringizga taqdim eting.
Yoqimli ishtaxa !
