Mashhur pitsa ! Yupqa nozik xamir, mazali asos bu juda ham mazali. Taomnoma uchun yangilik. Tayyorlanishi oddiy, natijasi esa dasturxon davrasida barchani lol qoldirishi turgan gap. Ushbu retseptni albatta tayyorlang !
Kerakli masalliqlar :
Xamir uchun :
180 ml suv
7 gramm xamirturush
1.5 choy qoshiq shakar
1 choy qoshiq tuz
3 osh qoshiq o'simlik yog'i
250-300 gramm un
Asosiga :
500 gramm pomidor
250 gramm mosarella
Quritilgan oregano
Rayhon ko'kati
O'simlik yog'i, tuz va murch
Tayyorlash usullari :
1. Isitilgan suvga xamirturushni soling.
2. Shakarni soling va aralashtiring. Aralashma ustini sochiq bilan yoping. 15 daqiqaga issiq joyga olib qo'ying.
3. Ko'tarilgan xamirturushli massaga tuz va o'simlik yog'i quying.
4. Unni soling va xamir qoring. Tayyor xamir ustini yopib, 40 daqiqaga issiq joyga olib qo'ying.
5. Bu vaqt mobaynida pitsa asosini tayyorlang. Pomidorni yuving va po'stidan ajrating. Mayda shaklda to'rg'ang.
6. Mosarella pishlog'ini yupqa, yumaloq shaklda kesing.
7. Yog' surtilgan pishirish qolipiga xamirni yumaloq shaklda yoying.
8. Xamir ustiga pomidorni soling.
9. Tuz, murch va quritilgan oreganoni seping. 180 darajada qizdirilgan gaz pechida 10-15 daqiqa davomida pishiring. So'ng, gaz pechidan oling.
10. Pomidor ustidan mosarella pishlog'ini terib chiqing va 7 daqiqa davomida pishiring.
11. Tayyor pitsa ustiga rayhon barglarini tering. Mazali pitsani yaqinlaringizga taqdim eting.
Yoqimli ishtaxa !
