Bunday salat har qanday dasturxonni bezashi turgan gap. Vitaminlarga boy va to'yimli ushbu salatning mazasi dasturxon davrasida barchani lol qoldirishi turgan gap. Mazali va tayyorlanishi oddiy bo'lgan ushbu salatni albatta tayyorlang !
Kerakli masalliqlar :
200 gramm tovuq go'shti filesi
4 dona tuxum
250 gramm olma
100 gramm pishloq
100 gramm yong'oq
Tuz, mayonez
Tayyorlash usullari :
1. Birinchi navbatda tovuq go'shti filesini 20 daqiqa davomida qaynatib, pishiring. Sovuting va mayda shaklda to'rg'ang.
2. Piyozni tozalang va maydalab to'rg'ang. Piyozni achchig'idan xalos bo'lishi uchun 10 daqiqaga issiq suvda uyuting. Sovuq suvda yuving.
3. Pishirilgan tuxumlarni oqini aloxida, sariqlarini aloxida qirg'ichning kichik tomonidan chiqaring.
4. Pishloqni qirg'ichning kichik tomonidan chiqaring,
5. Olmalarni tozalang va qirg'ichdan chiqaring.
6. Bir nechta yong'oq bo'laklarini butunligicha qoldiring. Qolgan yong'oq qismini blender yordamida maydalang.
7. Barcha masalliqlar tayyorlangandan so'ng, salatni yig'ishni boshlaymiz. Salatning har bir qatorini mayonez bilan surtish yodingizdan ko'tarilmasin.
8. Salat yig'ilishi tayyorlangan idishga birinchi navbatda tuxum oqini soling. Mayonez surting.
9. Tuxum oqi ustidan tovuq go'shtini soling.
10. Tovuq go'shti ustidan piyoz so'ng, olmani soling.
11. 1 osh qoshiqda qirg'ichdan o'tkazilgan pishloqni qoldiring. Qolgan pishloq qismini olma ustidan soling va mayonez surting.
12. Pishloq ustidan tuxum sarig'ini soling va maydalangan yong'oqni sepib chiqing.
13. Tayyor salatni bezatishni boshlang. Qoldirilgan butun yong'oq donachalaridan toshbaqa oyoqchalarini, pishloqdan esa toshbaqa boshini, qora qalampir donachalaridan toshbaqa ko'zlarini yasang. Maydalangan ko'katni lagan atrofiga ya'ni toshbaqa atrofiga sepib chiqing.
14. Go'zal ko'rinishga ega ushbu salatni yaqinlaringizga taqdim qiling.
Yoqimli ishtaxa !
