Oddiy masalliqlardan tayyorlangan, ko'rinishi o'zgacha chiroyga ega uchbu salat kechki ovqat yoki bayram dasturxonida barchaning e'tiborini o'ziga tortishiga hech ham shubxa yo'q. Mazali salatni albatta tayyorlang va yaqinlaringizga lazzatlanish baxtini taqdim eting.
Kerakli masalliqlar :
250 gramm tovuq filesi
100 gramm mayonez
100 ml o'simlik yog'i
50 gramm qattiq pishloq
0,5 bog' ko'k piyoz
2 dona kartoshka
1 dona bodring
1 dona pomidor
1 dona sarimsoq donachasi
Ta'bga ko'ra tuz va murch
Tayyorlash usullari :
1. Tovuq filesini katta miqdorda suv bilan bulyonda qaynating. Sovutish uchun tovuq filesini bulyonda qoldiring.
2. Sovugan tovuq go'shtini mayda, to'rtburchak shaklida to'rg'ang va chuqur idishga soling.
3. Tovuq go'shtiga mayda to'rg'algan pomidor, yupqa, somoncha shaklida to'rg'algan bodringni birlashtiring (bodringni koreyscha sabzi salati tayyorlanadigan qirg'ichidan o'tkazing).
4. Pishloqni qirg'ichdan o'tkazing, sarimsoqni maydalang. Pishloq va sarimsoqni qolgan masalliqlar bilan birlashtiring. Mayonez solib, aralashtiring.
5. Kartoshkani koreyscha sabzi salati tayyorlanadigan qirg'ichdan chiqaring va ortiqcha namligini oshxona sochig'ida quriting.
6. Qizdirilgan yog'da kartoshkani tilla tusga kirgunga qadar qovuring.
7. Tayyor masalliqlar aralashmasini laganga chumoli uyasi shaklini berib soling.
8. Salat ustini qovurilgan kartoshka va mayda to'rg'algan ko'k piyoz bilan bezating. Go'zal ko'rinishga ega va juda ham mazali bo'lgan salatni dasturxonga torting.
Yoqimli ishtaxa !
