Gulkaram sabzavotidan ko'plab, mazali taomlar, salatlar tayyorlash mumkin. Lekin, bugun e'tiboringizga yanada mazali va yoqimli gulkaram retseptini taqdim etamiz. Ushbu mazali taom kechki ovqat dasturxonida hech kimning nazaridan chetda qolmaydi va barchaga manzur bo'ladi.
Kerakli masalliqlar:
1 kg gulkaram
5 osh qoshiqdan un va jo'xori uni
3-5 dona tuxum
1 dona piyoz
1 dona bulg'or qalampiri
2 choy qoshiq zanjabil kukuni (imbir)
2 osh qoshiq tomat pastasi
2-3 osh qoshiq soya sousi
1 bog' ko'k piyoz
3-4 osh qoshiq o'simlik yog'i
Ta'bga ko'ra tuz va murch
Tayyorlash usuli:
1. Gulkaramni katta bo'lmagan bo'laklarga bo'ling, yuving va namokob suvda 5-8 daqiqa davomida qaynating.
2. Gulkaramni qovurish uchun klyarni tayyorlang. Tuxumga tuz, zanjabil va murch, yoki qizil qalampir kukunidan qo'shib, ko'pirtiring. Un va jo'xori unini qo'shib, bir xil konsistensiya hosil bo'lgunga qadar aralashtiring. Qaynatib, sovutilgan gulkaramni tayyorlangan klyarga uvutib qo'ying.
3. Qizdirilgan yog'da gulkaramlarni yengil tilla rang tusga kirgunga qadar qovuring va qog'oz sochiqcha ustiga qo'ying. Ortiqcha yog'i ajralishi uchun.
4. Mayda to'rg'algan piyoz, bulg'or qalampiri, maydalangan sarimsoqni qizdirilgan yog'da 3 daqiqa davomida qovuring.
5. So'ng, 2 osh qoshiq tomat pastasi, soya sousini qo'shib, aralashtiring. 2-3 daqiqa davomida dimlang.
6. Qovurilgan sabzavotlarga gulkaramni qo'shing va 2 daqiqa davomida pishiring.
7. Tayyor gulkaramni laganga suzing va mayda to'rg'algan ko'k piyoz sepib, bezating. Tayyor, mazali taomni yaqinlaringiz balan baham ko'ring.
Yoqimli ishtaxa!
