Bunday masalliqlar jamlanmasidan tayyorlangan taom uzoq vaqt davomidagi ochlikni bir vaqtning o'zida qondirib, taomdan lazzatlanish baxtini sizga taqdim etadi. Oddiy va tayyorlash uchun masalliqlar yilning barcha faslida mavjud. Gaz pechida tayyorlanadigan ushbu taom yengil va shuning bilan birga parxez taomi hamdir.
Kerakli masalliqlar:
200 gramm mol go'shti
300 gramm karam
1 dona piyoz
200 gramm smetana
3 dona tuxum
3 osh qoshiq un
50 gramm qattiq pishloq
2 osh qoshiq maydalangan non
Ta'bga ko'ra tuz va murch
Tayyorlash usuli:
1. Karamni tozalang va somoncha shaklda to'rg'ang.
2. Piyozni tozalang va yarim halqa shaklida yupqa qilib to'rg'ang.
3. Go'sht qiymasiga karam, piyoz, 1 dona tuxum, smetana, un, tuz, murch va ziravorlarni qo'shing.
4. Jamlangan barcha masalliqlarni bir xil massa hosil bo'lguncha aralashtiring.
5. Pishirish qolipini saryog' bilan surting va non tolqonini sepib chiqing. Tayyorlangan qolipga zapekanka uchun tayyorlangan qiymani soling.
6. 180 darajada qizdirilgan gaz pechida zapekankani 30 daqiqa davomida pishiring. Pishirish vaqtiga 5 daqiqa qolganda zapekanka ustiga qirg'ichdan o'tkazilgan pishloqni sepib chiqing.
7. Qolgan 5 daqiqa vaqtga qaytadan gaz pechiga qo'ying. Pishloq erishi kerak.
8. Tayyor bo'lgan karam zapekankasini gaz pechidan oling va 5 daqiqaga dam bering. Tayyor zapekankani bo'laklarga bo'lib, dasturxonga torting.
Yoqimli ishtaxa!