Ismaloq va mosarellaning bir-biri bilan kirishib, hosil qilgan ta'mini totib ko'rganmisiz? Yo'q! U holda ushbu mazali va ajoyib ta'mga ega bo'lgan pirogni tayyorlashga shoshiling. Birzumda tayyorlanadigan bunday pirog dasturxon davrasida hech kimning e'tiboridan chetda qolmasligi turgan gap. Retseptni albatta saqlab qoling!
Kerakli masalliqlar:
- 160 gramm un
- 2 dona tuxum
- 20 gramm zaytun yog'i+10 gramm
- 1 osh qoshiq suv
- 200 gramm mosarella
- 200 gramm suluguni
- 1 bog' ismaloq
- 1 osh qoshiq asal
- 1 osh qoshiq limon sharbati
- ta'bga ko'ra tuz va murch
Tayyorlash usuli:
1. Birinchi navbatda pirog uchun xamirni tayyorlab oling. Buning uchun: tog'orachada un, tuxum, zaytun yog'i va suvni birlashtiring. Aralashtiring.
2. Un sepilgan stol ustida yumshoq va cho'ziluvchan xamir qoring.
3. Xamirni o'rta qalinlikda, yumaloq shaklda yoying.
4. Xamirni un sepilgan pishirish qolipiga joylang.
5. Suluguni va mosarella pishloqlarini qirg'ichning katta tomonidan chiqaring va xamir ustiga bir tekisda soling.
6. Pirogning o'rta qismiga 1 dona tuxumni soling.
7. Pirogni 210 darajada qizdirilgan pechda, 10 daqiqa davomida pishiring.
8. Bu vaqt mobaynida ismaloq uchun zapravkani tayyorlang. Buning uchun: tog'orachaga asalni soling.
9. 0,5 limon sharbatini siqing.
10. Zaytun yog'ini quying, ta'bga ko'ra tuz va murch solib, yaxshilab aralashtiring.
11. Tayyorlangan zapravkani ismaloq ustidan quying.
12. Tayyor pirogni pechdan oling va oshxona taxtasiga qo'ying. Pirogni pitsa pichog'i yordamida bo'laklarga bo'ling.
13. Pirogning chet qismlariga zapravkaga cho'mgan ismaloqni solib chiqing. Pirog tayyor!
Yoqimli ishtaxa!
