Taqdim etadigan taomim juda ham mazali va yorqin taomlardan biri hisoblanadi. Taomnomaga yangilik kiritish uchun ajoyib taom aynan ushbudir. Yozning issiq kunlarida sizga va yaqinlaringizga ma'qul bo'ladi degan umiddaman. Retseptni saqlab qoling. Sababi ushbu taomni tez-tez tayyorlab turishga odatlanasiz. Ushbu taomni albatta sinab ko'ring!
Kerakli masalliqlar:
- 100 gramm sariq chechevitsa
- 6 dona pomidor
- 1 dona sabzi
- 50 gramm saryog'
- 1 dona porey piyozi (oq qismi)
- 1/2 dona piyoz
- 2 dona sarimsoq tishchasi
- 1/2 choy qoshiq zira
- 1/2 choy qoshiq karri ziravori
- 500 ml sabzavotlar bulyoni
- 50 ml yogurt
Tayyorlash usuli:
1. Tozalangan sabzi va porey piyozini katta bo'laklarga bo'ling.
2. Saryog' bo'lagi, mayda to'rg'algan piyoz, sarimsoq va pomidorni tovada birlashtiring. Piyoz yumshoq holga, pomidor qattiqlashgunga qadar qovuring.
3. Chechevitsani yuving, zira va karri ziravori bilan aralashtiring.
4. Ziravorlar bilan aralashtirilgan chechevitsani sabzavotlar bilan uchrashtiring.
5. Sabzavotlar bulyoni yoki suv quying. Porey piyozi va sabzini soling.
6. Past olovda 20 daqiqa davomida dimlang.
7. Belgilangan vaqt o'tib, ta'bga ko'ra tuz va murch soling. So'ng, blenderda pyurelang.
8. Tayyor taomni ko'kat bilan bezating va dasturxonga torting.
Yoqimli ishtaxa!
