Bahor-yoz fasllarida kishi vitaminlarga boy va yengil salatlarni tez-tez tanovvul qilishni ko'ngli tusab qoladi. Aziz bekajonlar bugun e'tiboringizga shunday salat retseptini taqdim etaman. Ushbu salat dasturxoningizdan yorqin o'rin egallab, dasturxoningizning mexmoni bo'lishi turgan gap.
Kerakli masalliqlar:
- 1-2 dona qaynatilgan lavlagi
- 1 dona yashil olma
- 1 dona qizil piyoz
- 0,5 limon sharbati
- ta'bga ko'ra ukrop ko'kati
- ta'bga ko'ra olma sirkasi
- o'simlik yog'i
- tuz va murch (ta'bga ko'ra)
Tayyorlash usuli:
1. Yashil olmani po'stidan tozalang. To'rtburchak shaklda to'rg'ang, limon sharbati bilan seping.
2. Qaynatilgan lavlagini to'rtburchak shaklda to'rg'ang.
3. Piyozni maydalab to'rg'ang.
4. Ukrop ko'katini ham mayda to'rg'ang.
5. Salat tayyorlanadigan idishga barcha masalliqlarni soling.
6. Olma sirkasi, bir tomchi o'simlik yog'i, ta'bga ko'ra tuz va murch soling va aralashtiring. Salat tayyor!
Yoqimli ishtaxa!