Bugun haqiqiy Italyancha usulda tayyorlangan tovuqli pitsa retseptini taqdim etamiz. Ushbu pitsa Italya xalqining sevimli pitsasidan biri bo'lib, bu pitsani cho'chimay uy sharoitida bemalol tayyorlashingiz ham mumkin. Dam olish kunlarida tushlik yoki kechki ovqat dasturxonlarida hech kimning etiboridan chetda qolmaydi.
Kerakli masallirlar:
150 ml suv
1 choy qoshiq xamirturush
250 gramm un
1 osh qoshiq zaytun yog'i
Tuz
Asosiga:
300 gramm shampinon
200 gramm tovuq go'shti (filesi)
2 dona pomidor
60 gramm pishloq
0,5 choy qoshiq oregano
Ta'bga ko'ra zaytun donachalari
Bir nechta rayhon bargi
Ta'bga ko'ra chili qalampiri
Tayyorlash usuli:
1. Xamirturushni issiq suvga uyuting. 1 choy qoshiq shakar soling. 15 daqiqadan so'ng xamirni tayyorlashga kirishing.
2. Tog'orachaga un, tuz, zaytun yog'i, xamirturushli massani soling va qo'lingizda aralashtiring. Xamirni shoshilmasdan qoring, xamir bir xil konsistensiyali, yumshoq bo'lishi lozim. Xamirni zuvalacha qiling, usti yopiq holda, 30 daqiqaga issiq joyda qoldiring.
3. Shampinonlarni mayda to'rg'ang va tovada qizdirilgan yog'da, 5-7 daqiqa davomida qovuring. Tovuq go'shtini mayda to'rg'ang, aloxida tovada qovurib, 10 daqiqa davomida dimlang. Zaytun donachalarini 4 qismga bo'ling.
4. Pitsa uchun sous: to'rg'algan pomidorni tovada dimlang, ta'bga ko'ra tuz, murch, 2-3 shoxcha timyanni soling. 5 daqiqadan so'ng, sous tayyor bo'ladi, timyan shoxchalarini ajratib oling.
5. Xamirni yog' surtilgan pishirish qolipiga yoki pergament qog'ozi yozilgan qolipda yoying. Yoyilgan xamir ustiga sousni surting. Ketma-ketlikda asos uchun tayyorlangan masalliqlarni soling: oregano ko'katini seping, shampinon, zaytun donachalari, tovuq go'shti, qalampir chilini soling va qirg'ichdan chiqarilgan pishloq bilan seping.
6. Pitsani 180 darajada qizdirilgan pechda, 15-20 daqiqa davomida pishirishga qo'ying. Pitsa korjini tag qismini oshxona lopatkasida tekshiring, tilla tusga kirishi bilanoq, pitsa tayyor. Dasturxonga tortishdan avval rayhon barglarini seping.
Yoqimli ishtaxa!
