Yengil va yoqimli nordon-shirin ta'mga ega bo'lgan, mashhur taomlardan biri rassolnik retseptini taqdim etamiz. To'yimli suyuq taom, tushlik va kechki ovqat uchun ajoyib tanlov. Ushbu taomni tayyorlamagan bekaning o'zi bo'lmasa kerak. Biroq, bugun etiboringizga o'zgacha bir retseptni taqdim etamiz.
Kerakli masalliqlar:
Tovuq go'shti
2 dona kartoshka
1 dona sabzi
2 dona piyoz
3-4 dona tuzlangan bodring
2 dona sarimsoq tishchasi
Ta'bga ko'ra tuz, murch, lavr bargi
1/2 stakan perlovka
Tayyorlash usuli:
1. Birinchi navbatda katta kastryulkaga tovuq go'shtini soling, 3 litr suv quying va qaynatishga qo'ying. Qaynashni boshlashi bilan olovni pastlating va qopqoqsiz, 40 daqiqa davomida qaynating.
2. Perlovkani yuving va qaynab turgan suv quying, bulyon tayyor bo'lgunga qadar uyuting.
3. Tozlangan sabzini qirg'ichning katta tomonidan chiqaring. Kartoshka, piyoz va bodring po'stini arching. Mayda to'rtburchak shaklda to'rg'ang. Sarimsoqni maydalang.
4. Tovada qizdirilgan o'simlik yog'ida, piyoz va sabzini 5 daqiqa davomida qovuring.
5. Aloxida tovaga bodring va sarimsoqni soling, qaynayotgan bulyondan bir qism qo'shing.
6. Aralashtiring, qaynagandan so'ng, olovni pasaytiring, qopqoq ostida asosiy bulyon tayyor bo'lgunga qadar qaynating.
7. Bulyon tayyor bo'lgandan so'ng, go'shtni bulyondan ajratib oling. Go'sht o'rniga: kartoshka, perlovka, bodring-sarimsoq, sabzi-piyozli qovurmani soling. Aralashtiring, tuz soling, past olovda 30 daqiqa qaynating.
8. Tovuq go'shtini suyaklardan ajrating va maydalang.
9. Bulyonga go'sht va ziravorlarni soling, qolgan vaqt so'nggiga yetguncha qaynating.
10. Tayyor taomni dasturxonga tortishdan avval maydalangan ko'kat va smetana solib, dasturxonga torting.
Yoqimli ishtaxa!
