Kechki ovqatda yaqinlaringizni lol qoldirishni hohlaysizmi? U holda noan'anaviy usulda tayyorlangan mazali retseptni e'tiboringizga taqdim etamiz. Birzumda tayyor bo'ladigan nozik va juda ham mazali taom dasturxon davrasida haqiqatdan ham barchani lol qoldiradi.
Kerakli masalliqlar:
2 dona kichik hajmdagi apelsin
2 dona kichik greyfrut
1 dona limon
1 osh qoshiq asal
3 osh qoshiq zaytun yog'i
150 grammdan 4 dona lasos balig'i
2 osh qoshiq to'rg'alga ko'k piyoz
Tuz
Tayyorlash usullari:
1. Birinchi navbatda gaz pechini 200 darajaga qizdirishga qo'ying.
2. Sitrus mevalarini tozalang. Aloxida idishga barcha sitrus mevalari sharbatini jamlang.
3. 1 osh qoshiqdan asal, zaytun yog'i va sharbatni birlashtiring va aralashtiring. Tayyorlangan massaga baliq bo'laklarini 5 daqiqaga marinadlang.
4. Qolgan sharbat, meva bo'laklari va zaytun yog'i, ko'k piyoz va tuzni soling. Yaxshilab aralashtiring. Baliqni pishirish qolipiga, baliq terisi bor qismini pastga qilgan holda terib chiqing. 4-5 daqiqa pishiring va meva bo'laklaridan solib, yana 5 daqiqa davomida pishiring.
5. Tayyorlangan nozik va hushbo'y isi xonadoningizni egallagan taomni darhol dasturxonga torting.
