Juda ham mazali pirog ! Yupqa xamir, mazali asos mo'jizaviy lazzatlanish baxtini taqdim etadi. Tayyorlanishi oddiy, natijasi esa dasturxon davrasida barchani lol qoldiradi. Taomnoma uchun chinakam yangilik. Ushbu retseptni albatta tayyorlang !
Kerakli masalliqlar :
Xamir uchun :
50 gramm saryog'
100 gramm smetana
1 dona tuxum
200-250 gramm un
1 choy qoshiq tuz
Asosiga :
500 gramm lasos balig'i (filesi)
300 gramm brokolli
200 ml qaymoq
100 gramm pishloq
2 dona tuxum
Ta'bga ko'ra tuz va murch
Tayyorlash usullari :
1. Birinchi navbatda xamirni tayyorlang. Tuxum va saryog'ni aralashtiring.
2. Smetanani soling va aralashtiring.
3. Tuz va unni soling va xamir qoring.
4. Yog' surtilgan pishirish qolipiga xamirni devorlari bo'ylab yoying.
5. Lasos balig'i filesini katta bo'lmagan bo'laklarga bo'ling.
6. Pishloqni qirg'ichning kichik tomonidan chiqaring.
7. Tuxumni ozgina ko'pirtiring, tuz va murch qo'shing.
8. Qaymoq va tuxumni birlashtiring, aralashtiring.
9. Pishloqni tuxumli massaga qo'shing.
10. Xamir ustiga baliqni va bo'laklarga bo'lingan brokolli karamini soling.
11. Tuz va murch seping.
12. Tayyorlangan pishloq-tuxumli massani solingan asos ustidan quying. 180 darajada qizdirilgan gaz pechida 40-45 daqiqa davomida pishiring.
13. Hushbo'y va mazali pirogni yaqinlaringiz e'tiboriga taqdim eting.
Yoqimli ishtaxa !
