Bekajonlar e'tiboringizga birzumda tayyor bo'luvchi, vitaminlarga boy va mazali salat retseptini taqdim etaman. Yengil tushlik va kechki taomga tayyorlangan quyuq taomga qo'shimcha sifatida ushbu salatni tayyorlasangiz sizga va yaqinlaringizga juda ham ma'qul bo'ladi. Salat retseptini albatta saqlab qo'ying!
Kerakli masalliqlar:
- 450 gramm oq loviya konservasi
- 70 ml zaytun yog'i
- 1/2 choy qoshiq limon po'sti
- 1 osh qoshiq limon sharbati
- 1/2 choy qoshiq asal
- 0,5 dona piyoz
- 150 gramm yangi no'xot
- 8 dona rediska
- 5 dona ko'k piyoz
- 5 shoxcha rayhon ko'kati
Tayyorlash usuli:
1. Kichik kosada zaytun yog'i, qirg'ichdan chiqarilgan limon po'sti, limon sharbati va asalni birlashtiring. Bir xil massa hosil bo'lguncha aralashtiring. Piyozni mayda qilib to'rg'ang va zapravkaga qo'shing. Loviyani sitoga soling. So'ng, tog'orachaga solib, zapravkaning yarim qismini quying va 15 daqiqaga qoldiring.
2. Yangi no'xotni bosh qismlarini kesib tashlang. Katta bo'lmagan kastryulkada, suvda 2 daqiqa davomida qaynating. So'ng, suvdan suzib oling, sitoga solib, quriting.Qurigandan so'ng, katta bo'lmagan bo'laklarda kesing.
3. Rediskani yupqa, parrak shaklda, ko'k piyoz, rayhon ko'katini mayda to'rg'ang. Zapravkaga cho'mgan loviya bilan uchrashtiring va qolgan zapravkani quying, aralashtiring. Salat tayyor!
Yoqimli ishtaxa!
