Noan'anaviy va ajoyib desert ! Yoqimli, nozik va lazzatbaxsh desert. Tayyorlanishi oddiy, natijasi esa dasturxon davrasida barchani lol qoldirishi turgan gap. Taomnoma uchun chinakam yangilik. Buni albatta tayyorlang.
Kerakli masalliqlar :
Xamir uchun :
50 gramm saryog'
2 dona tuxum
50 gramm shakar
1 choy qoshiq qabartma
150-200 gramm un
Krem uchun :
50 ml qaymoq
150 ml tvorogli pishloq (almette, filadelfiya)
50 gramm shakar
Shuningdek :
Hohishingizga ko'ra mevalar
10 gramm jele tort uchun
Tayyorlash usullari :
1. Birinchi navbatda xamirni tayyorlang. Saryog' va shakarni aralashtiring.
2. Tuxumni qo'shing.
3. Un va qabartmani solib, xamir qoring.
4. Diametri 27 sm, balandligi 3 sm bo'lgan pishirish qolipini yog' bilan surting. Xamirni pishirish qolipi devorlari bo'ylab yoyib chiqing.
5. Yoyilgan xamir ustidan pergament qog'ozi yozing.
6. Pergament qog'ozi ustidan no'xot yoki loviya soling. Bu usul xamir tekis pishishi uchun qo'llaniladi. 180 darajada qizdirilgan gaz pechida 20 daqiqa davomida pishiring.
7. Pishirilgan korjni sovuting.
8. Bu vaqt mobaynida kremni tayyorlang. Qaymoq va shakarni ko'pirtiring.
9. Tvorogli pishloqni birlashtiring va aralashtiring.
10. Tayyor kremni korj ustiga quying, tekislang. 1 soatga muzlatgichga qo'ying.
11. Desert ustini hohishingizga ko'ra tanlangan mevalar bilan bezating. Ushbu retseptda uzum, kumkatlar, kivi va qulupnoy mevasidan foydalanilgan.
12. Jeleni qog'ozida ko'rsatilgan usul bo'yicha tayyorlang. Issiq jeleni extiyotkorlik bilan avval nozik qator tarzda quying. Quyilgan jele sovugandan so'ng, jeleni qolgan qismini quying.
13. Tayyorlangan desertni 3-4 soatga muzlatgichga qo'ying. Belgilangan vaqt o'tib, desertni yaqinlaringiz e'tiboriga taqdim eting.
Yoqimli ishtaxa !
