Ba’zida issiqqina uyda o’tirib, choy bilan yeyishga yumshoq bulochkalardan iste’mol qilish istagi tug’iladi. Shunday paytlarda ushbu bulochkaning retsepti sizlarga asqotadi. Ushbu bulochka nonushta uchun ham juda ma'qul bo'ladi. Bulochkaning xamiri pardek yumshoq, pishloqli nachinkasi esa juda ham mazali. Tayyorlanishi oddiy, tayyorlash uchun esa barcha masalliqlar mavjud. Ushbu bulochkalar bolajonlar uchun ham juda manzur bo'ladi.
Kerakli masalliqlar:
150 gramm un
100 gramm saryog'
3 dona tuxum
200 ml suv
120 gramm pishloqning qattiq turi
1/3 choy qoshiq tuz
Tayyorlash usuli:
1. Kastryulkaga bo'laklarga bo'lingan saryog'ni soling va gazga qo'yib, eriting. Suv va tuz qo'shib iliting.
2. Saryog'ni gazdan olib, unni qo'shing va zavarnoy xamir qoring. Bir xil massa xosil bo'lgunga qadar yaxshilab aralashtiring.
3. Aloxida idishda tuxumni ko'pirtiring va saryog'li massaga qo'shing.
4. Tuxum qo'shilgan saryog'li massani qo'yiq smetana holiga kelgunga qadar aralashtiring.
5. Pishloqni qirg'ichning katta tomonidan o'tkazing.
6. Pishloqni oz - ozdan xamirga qo'shib, aralashtiring.
7. Pishloqning barcha qismini qo'shib bo'lgandan so'ng xamirni krem uchun maxsus qopchaga soling.
8. Pishirish qolipiga pergament qog'ozini yoying va xamirdan diametri 3 sm bo'lgan sharchalar chiqaring. Ustiga ozginadan qirg'ichdan chiqarilgan pishloqdan seping.
9. Tayyor bulochkalarni 200 darajada qizdirilgan gaz pechida 20 -25 daqiqa davomida pishirib oling.
Yoqimli ishtaxa!
