Ajoyib salat! Bekajonlar salatni albatta sinab ko'rishingizni maslahat beraman. Yozning issiq kunlarida tetiklashtiruvchi va yengil salat. Shu bilan birga vitaminlarga boy masalliqlardan tayyorlangan salat. Sizga va yaqinlaringizga manzur bo'ladi degan umitdaman.
Kerakli masalliqlar:
- 1 dona lavlagi
- 1 dona olma
- 1 bog' rukolla salat bargi
- 50 gramm yong'oq
- 1 choy qoshiq asal
- 2 osh qoshiq zaytun yog'i
- 1 choy qoshiq xantal (gorchitsa)
- 1 osh qoshiq limon sharbati
- 1 choy qoshiq balzamli sous
- Ta'bga ko'ra tuz va murch
Tayyorlash usuli:
1. Lavlagini suvda pishiring, sovuting. Tozalang va yarimhalqa shaklida, yupqa qilib kesing.
2. Shuningdek, tozalangan olmani ham yupqa, parrak shaklda to'rg'ang.
3. Bo'laklarga bo'lib, laganga solingan salat bargi ustiga lavlagi va olma aralashmasini soling.
4. Salat uchun zapravka: xantal, asal, limon sharbati, balzamli sous, zaytun yog'i, tuz va murchni birlashtiring va bir xil konsistensiyali holga kelguncha aralashtiring.
5. Tayyorlangan zapravkani lavlagi-olma va salat bargi ustidan quying.
6. Salatni yong'oq donachalari bilan bezating. Salat tayyor! Darhol dasturxonga torting.
Yoqimli ishtaxa!
