Yorqin, mazali va to'yimli salat. Foydalanilgan masalliqlar bir-biri bilan uyg'unlashib, ajoyib bahoriy kunni eslatib, lazzatlanish baxtini taqdim etadi. Tayyorlanishi oddiy bo'lgan ushbu salatni albatta tayyorlang. Yaqinlaringizga mo'jizaviy yoqimli ta'mni taqdim eting.
Kerakli masalliqlar :
300 gramm tovuq filesi
3 dona tuxum
400 gramm kartoshka
300 gramm sabzi
200 gramm marinadlangan shampinon
Porey piyozi yoki oddiy piyoz
Ta'bga ko'ra tuz, mayonez
Tayyorlash usullari :
1. Kartoshka va sabzini tuz solingan suvda butunlay tayyor bo'lgunga qadar pishiring. Sovuting va tozalang.
2. Tovuq go'shti filesini qaynatib, qaynagandan so'ng, 20 daqiqa davomida pishiring.
3. Sovutilgan kartoshka va sabzini qirg'ichning kichik tomonidan chiqaring.
4. Tovuq go'shtini mayda shaklda to'rg'ang.
5. Pishirilgan tuxumlarni qirg'ichdan chiqaring.
6. Marinadlangan shampinonlarni mayda shaklda to'rg'ang.
7. Porey piyozini yarim halqa shaklida to'rg'ang. Agar siz oddiy piyozdan foydalangan bo'lsangiz, u holda 10 daqiqaga piyozni qaynoq suvda uyuting. So'ng, sovuq suv bilan yuving.
8. Salatni yig'ishni boshlang. Salatning har bir qatorini mayonez bilan surting.
9. Birinchi navbatda kartoshkani soling va tuz seping, mayonez surting.
10. Kartoshka ustidan marinadlangan shampinonni soling. So'ng, sabzini soling. Mayonez surting.
11. Sabzi ustidan tovuq go'shtini soling va go'sht ustidan porey piyozini soling.
12. Eng ustki qismga tuxumni soling, salat ustini ko'kat barglari bilan bezating. Tayyor salatni dasturxonga torting.
Yoqimli ishtaxa !