Juda ham mazali va to'yimli bo'lgan ushbu salat nomiga munosib mazali lazzatni sizga va yaqinlarizga taqdim etadi. Ushbu salat har qanday dasturxon davrasida e'tibordan chetda qolmasligi aniq. Tayyorlanishi juda ham oddiy, mazasi esa sizni lol qoldirishi turgan gap.
Kerakli masalliqlar :
300 gramm tovuq go'shti filesi
300 gramm qo'ziqorin (shampinon)
20-25 dona pomidor cherri yoki 3-4 dona oddiy pomidor
150 gramm piyoz
Mayonez
O'simlik yog'i, tuz va murch
Quymoq uchun :
3 dona tuxum
Ta'bga ko'ra ko'kat
Tayyorlash usullari :
1. Tovuq go'shti filesini folga qog'oziga qo'ying va tuz, murch seping. Folga qog'ozini yaxshilab o'rang.
2. Folga qog'oziga o'ralgan go'shtlarni pishirish qolipiga tering va 180 darajada qizdirilgan gaz pechida 25-30 daqiqa davomida pishiring. Sovuting va mayda to'rg'ang.
3. Piyozni tozalang va mayda shaklda to'rg'ang.
4. Shuningdek, shampinonlarni mayda shaklda to'rg'ang.
5. Qizdirilgan yog'da avval piyozni so'ng, maydalangan shampinonlarni qovuring. Piyozga shampinonni birlashtirganingizdan so'ng, 10-15 daqiqa davomida qovuring.
6. Pomidor cherri donachalarini ikki qismga bo'ling. Agar oddiy pomidordan foydalansangiz o'rtacha kattalikdagi shakllarga bo'ling.
7. Quymoq uchun : ko'katni mayda qilib to'rg'ang. Tuxumlarni chuqur idishga soling.
8. Tuxum va ko'katni birlashtiring, tuz soling, aralashtiring.
9. Tayyorlangan quymoq aralashmasini qizib, yog' urtilgan tovada pishiring. Hohlasangiz bitta katta quymoq, yoki 2-3 ga bo'lib pishirishingiz mumkin.
10. Tayyor quymoqni sovuting va somoncha shaklida to'rg'ang.
11. Tayyorlangan masalliqlarni : tovuq go'shti, shampinon, quymoq, pomidorni birlashtiring va ta'bga ko'ra tuz solib, aralashtiring.
12. Mayonez solib, aralashtiring.
13. Tayyor salatni darhol dasturxonga torting.
Yoqimli ishtaxa !
