Մենք խաղաղ էինք մեր լեռների պես, Դուք հողմերի պես խուժեցիք վայրագ. Հայաստանում Ֆրանսիայի դեսպանը Շիրազ է մեջբերել

Հայաստանում Ֆրանսիայի արտակարգ և լիազոր դեսպան Ջոնաթան Լաքոթը ֆեյսբուքյան իր էջում հայերեն և ֆրանսերեն ներկայացրել է Հովհաննես Շիրազի «Էքսպրոմտ»-ը։

«Մենք խաղաղ էինք մեր լեռների պես,

Դուք հողմերի պես խուժեցիք վայրագ:

Մենք ձեր դեմ ելանք մեր լեռների պես,

Դուք հողմերի պես ոռնացիք վայրագ:

Բայց մենք հավերժ ենք մեր լեռների պես,

Դուք հողմերի պես կկորչեք վայրագ»,- գրել է նա:

Հիշեցնենք, որ ՀՀ վարչապետի պաշտոնակատար Նիկոլ Փաշինյանը մայիսի 13-ին Անվտանգության խորհրդի նիստում հայտնել էր, որ հանրապետության տարածքում ներկայումս գտնվում է շուրջ 250 ադրբեջանցի զինվորական: ՀՀ վարչապետի պաշտոնակատարը հանձնարարել է խորհրդակցություններ սկսել ՀԱՊԿ-ի շրջանակներում Սյունիքի մարզի Սև լիճ շրջանում ստեղծված իրավիճակի կապակցությամբ։  

Լրացուցիչ տեղեկությունների համար այցելեք կայք

Հայաստանի նորությունները Telegram-ում

#Հայաստանում Ֆրանսիայի դեսպան #Հովհաննես Շիրազի «Էքսպրոմտ»