“Республика район һәм ҡалаларында спорт үҫешенә ҙур иғтибар бүләбеҙ. Был бик мөһим. Тап унда бөйөк атлеттар тыуа”, – тип белдергәйне республика етәксеһе Радий Хәбиров быйыл үткәрелгән Башҡортостан Башлығы ҡарамағындағы Физик культура һәм спорт үҫеше мәсьәләләре буйынса совет кәңәшмәһендә. Төбәктә ике миллион кеше физкультура һәм спорт менән даими шөғөлләнә, был 58,2 процент тигән һүҙ. 2030 йылға был һан 70 процент булырға тейеш. «Сәләмәт быуын - көслө төбәк» проекты сиктәрендә Сибай ҡалаһының дөйөм белем биреү учреждениелары (1-се урта дөйөм белем биреү мәктәбе, 8-се урта дөйөм белем биреү мәктәбе, 6-сы урта дөйөм белем биреү мәктәбе, 12-се урта дөйөм белем биреү мәктәбе, «Ирәндек» лицейы» муниципаль бюджет учреждениеһы, Башҡорт лицейы) түбәндәге спорт ҡорамалдары алған: электрон секундомер; 106 см гимнастика таяҡсаһы; күңелле старттар өсөн конус; гимнастик тура мат; ырғытыу өсөн туп (150 грамм); волейбол тубы; япмалы универсаль түшәм; резина скакалка; күнекмәләр өсөн 5-се футбол тубы; баскетбол өсөн туп; урындан оҙонлоҡҡа һикереү өсөн юл; ҡулға таянып кәүҙәне күтәреү өсөн хисаплау станогы; атлетик универсаль эскәмйә. Спорт ҡорамалдарын яңыртыу физик культура дәрестәрен уҡытыуҙы ярайһы уҡ яҡшыртырға мөмкинлек биргән. Дәрестәр үткәреү ҡыҙыҡлыраҡ һәм йөкмәткелерәк була башлаған. Балалар физик культура буйынса яҡшы һөҙөмтәләргә өлгәшкән, быны Ю.А. Гагарин исемендәге кубокка физик культура буйынса олимпиада һөҙөмтәләренән күреп була. Күптәр Ю.А. Гагарин кубогына футбол буйынса Олимпиаданың төбәк этабында ҡала намыҫын яҡлай. Республикала “Ауыл тренеры”, “Ҡала тренеры”, “Сәләмәт быуын – көслө төбәк”, ”Мәктәптәргә – спорт көрәше” проекттарын тормошҡа ашырыу дауам итә. Билдәле спортсыларға һәм тренерҙарға республика спорт премияһы һәм дәүләт спорт стипендияһы булдырылған. Әйткәндәй, «Сәләмәт быуын - көслө төбәк» проекты сиктәрендә Сибай ҡалаһының дөйөм белем биреү учреждениелары 511815,52 һумлыҡ спорт ҡорамалдары алған (2020 йылда - 137103,06 һум, 2021 йылда - 133476,40 һум, 2022 йылда - 240902,06 һум). Фото: Сибай ҡала мәғариф идаралығы.
