Найти тему
Башҡортостан гәзите

Компьютер спортына ҡыҙыҡһыныу көслө

Өфөлә компьютер спорты буйынса Рәсәй беренселеге бара. Бәйгенең баш ҡалабыҙҙың "Өфө-Арена" спорт һарайында үтеүе һәр йәһәттән дә отошло. Дөрөҫөрәге, хоккей майҙаны тамашалар залына әйләнгән. Ҙур экрандан уйынды ҡарарға мөмкин. Ситтәрәк ике комментатор уйын, ярышта ҡатнашыусылар тураһында белешмә бирә. Әйткәндәй, инеү бушлай. Шул иғтибарға лайыҡ, компьютер спорты беренселеген тап Өфөлә уҙғарыу идеяһын Башҡортостан Башлығы Радий Хәбиров тәҡдим иткән. Ысынлап та, Башҡортостан – спорт яратыусы төбәк. Беҙҙә 120-нән ашыу спорт төрө бар, улар буйынса ярыштар даими үтеп тора. Компьютер спорты беренселеге Рәсәй Спорт министрлығының 100 йыллығы сиктәрендә уҙғарла. Компьютер спорты беренселегендә Рәсәй Компьютер спорты федерацияһы президенты Дмитрий Смиттың ҡатнашыуы сараға мәртәбә өҫтәне. Самир Уликановтың һүҙҙәренә ҡарағанда, ул оҙаҡ йылдар компьютерҙа төрлө уйындар уйнаған, быйыл ярыштарға көйәрмән сифатында йөрөй, киләсәктә компьютер уйынында ҡатнашырға теләге көслө. Фото: Илдар Аҡъюлов.