Хуссар Ирыстоны президент Бибылты Анатолий трагедийы фæдыл Цæгат Ирыстоны разамонæг Сергей Меняйлойæн тæфæрфæс ракодта. Аварийы аххосæй цы 9 пациенты фæмард уый у, нæ зæрдæтæ нын чи фæриссын кодта, ахæм цау, зæгъы Хуссар Ирыстоны разамынд. Бибылты Анатолий æмзæрдæдзинады ныхæстæ загъта, чи фæмард, уыдоны хæстæджытæн. Аварийы аххосæй хъыгдæрд чи баййæфта, уыдонæн та йæ зæрдæ зæгъы æнæниздзинад.
