Англия Премьер-лигасининг 15-турида "Манчестер Сити" меҳмонда "Уотфорд"ни мағлубиятга учратди.
Ушбу муваффақиятдан сўнг "шаҳарликлар" тўплар нисбати бўйича Англия чемпионатининг сўнгги 125 йилдаги энг яхши натижасини қайд этди. Манчестер клуби 15та учрашувда 45та гол урди ва 7 марта ўз дарвозасидан тўп олиб чиқди. Тўплар нисбати +38 ни ташкил қилди.
Сўнгги бор 125 йил олдин (1892/93) мавсумнинг шу қисмида "Сандерленд" +39 тўплар нисбатини қайд этган эди.
