Найти тему
Кызыл таң (СМИ)

Кандракүлдә - марафон

30 июньдә 10 сәгатьтә Кандракүл буендагы А.П. Гайдар исемендәге балалар савыктыру лагере территориясендә Спорт көрәшләре федерациясенә нигез салучы, дзюдо һәм самбо буенча спорт мастеры Фәрит Дәүләтшин истәлегенә 24нче җиңел атлетика марафоны үтәчәк.

Ярышларга, туймазылылардан тыш, Башкортстаннан, Татарстаннан, Ырынбур, Чиләбе, Самара өлкәләреннән 600гә якын спортчы килүе көтелә.

Җиңел атлетика буенча Олимпия чемпионы Андрей Сильнов, Дәүләт думасы депутаты, күп тапкырлар Паралимпия уеннары чемпионы Рима Баталова, күп тапкырлар дөнья һәм Европа чемпионы, биатлончы Максим Чудов, Европа чемпионы, дзюдочы Әлим Гаданов һәм башкалар мактаулы кунаклар итеп чакырылган.

Алар Туймазыдагы "Олимпиец" спорт комплексында яшь спортчылар һәм тренерлар өчен осталык дәресләре үткәрәчәк.

Фото Туймазы районы хакимиятенең рәсми сайтыннан алынды.