7 июндә башҡорт эпосы «Урал-батыр» көнөн бергәләп байрам итеүгә саҡырабыҙ! Белорет районы Үрге Әүжән ауылы vенән Исмәғил ауылы араһында «Урал батыр» эпосына арналған байрам сараһы үтәсәк. Программала: • Урал батырҙың мәҡәменә барыу; • Балаларҙың «Урал батыр» эпосынан өҙөктәр уҡыуы; • Ҡурайсылар, яҙыусылар, ғалимдар һәм ижади коллективтарҙың сығышы; • AY YOLA төркөмөнөң сығышы.
Юлдаш радиоһы
102
подписчика
“Юлдаш” радиоһы 2000 йылдың 25 сентябренән эшләй. Тапшырыуҙарҙы тәүлек әйләнәһенә Башҡортостан республикаһында һәм сиктәш төбәктәрҙә, интернет аша бар донъяла тыңлап була.
“Юлдаш” радиоһы 2000 йылдың 25 сентябренән эшләй. Тапшырыуҙарҙы тәүлек әйләнәһенә Башҡортостан республикаһында һәм сиктәш төбәктәрҙә, интернет аша бар донъяла тыңлап була.
2 дня назад
• Вы подписаны
Башҡортостанда 58 социаль проект 500 меңешәр һумлыҡ грант ала. Республика Башлығы гранттар фонды гражданлыҡ йәмғиәте үҫтереү башланғыстары конкурсы һөҙөмтәләрен иғлан итте. Еңеүселәрҙең күбеһе Өфөнән, 16 проект үткән. Әүҙем район һәм ҡалалар араһынан Шишмәлә - 8, Миәкәлә 4, Стәрлетамаҡта 5 башланғыс ғәмәлгә ашырыла. Проекттарҙың күбеһе ғаиләне яҡлау, фән һәм белем биреү, мәҙәниәт, социаль ярҙамға ҡағылышлы.
1 неделю назад
• Вы подписаны
Башҡортостанда яңы социаль ярҙам саралары әҙерләнә. Был турала республика хөкүмәтендә белдерелде. Премьер-министр Андрей Назаров әйтеүенсә, 1 августан социаль ярҙам алыу өсөн "Мир" карталарын ҡулланыу буйынса эксперимент башланды. Проект Башҡортостанда, Ростов һәм Төмән өлкәләрендә һынала. Күп балалы ғаиләләр, пенсионерҙар, инвалидтар һәм студенттар өсөн льгота ҡарала. Ҡатнашыу өсөн "Мир" картаһын дәүләт хеҙмәттәре порталында теркәргә кәрәк. Унан һуң транспортта, аҙыҡ-түлек магазиндарында һәм мәҙәниәт учреждениеларында ташлама автомат тәртиптә иҫәпләнә. Андрей Назаров профилле министрлыҡ һәм ведомстволарға проектты башларға әҙер булырға ҡушты.
2 недели назад
• Вы подписаны
Республикала мәктәп йәрминкәләре эшләй башланы. Унда балаларға уҡыу кәрәк-яраҡтары, кейем-һалым һатып алыу өсөн ҡулай шарттар булдырыла. Быйыл йәрминкәләрҙә малайҙарға костюм-салбар ете, ҡыҙҙар өсөн сарафан ике мең самаһы, юбка мең һум тора. Кейемдән тыш, кәнсә тауарҙарына ла хаҡтар арыу ғына. Рюкзактарға хаҡ 800 һумдан башлана. Мәктәп йәрминкәләре август аҙағына тиклем эшләй.
2 недели назад
• Вы подписаны
Республикала аҙ килемле күп балалы ғаиләләргә мәктәп формаһы өсөн аҡсалата компенсация ҡаралған. Хәҙер ғаризаны дәүләт хеҙмәттәре порталы аша ла бирергә мөмкин. Документҡа премьер-министр Андрей Назаров ҡул ҡуйҙы. Компенсация биреү өсөн Ғаилә, хеҙмәт һәм халыҡты социаль яҡлау министрлығы яуаплы була. Быға тиклем ҡарар үтәлеше Мәғариф министрлығы контролендә ине. Мәктәп формаһы өсөн компенсация ике йылға бер тапҡыр бирелә. Башҡортостанда 75 мең күп балалы ғаилә бар. Уҙған йылда уларға ярҙам өсөн 1 миллиард 250 миллион һум йүнәлтелде.
2 недели назад
• Вы подписаны
Һөйөнөслө яңылыҡ: 2026 йылдың 20 июленән Өфө агломерацияһындағы Дим — Иглин маршруты буйынса йөрөгән «Ласточка» һәм «Финист» ҡала яңы электропоездарында мәғлүмәт рус һәм башҡорт телдәрендә яңғырай. Пассажирҙарҙы хеҙмәтләндереүҙең яңы стандарты Рәсәй халыҡтарының берҙәмлеге йылы сиктәрендә индерелде. Башҡорт теленә тәржемәләрҙе әҙерләүҙә Башҡортостан Республикаһының Терминология комиссияһы ҙур эш башҡарған. Аудиояҙмаларҙы Башҡортостан юлдаш телевидениеһы дикторы Гүзәл Мөхәмәтйәнова уҡыған.
