1925 жылы БК(б)П-ның XІV съезі КСРО аумағында индустрияландыру саясатын жариялаған болатын. Кеңестік индустрияландырудың мәні жұмысшы табын қалыптастыратын жұмыс орындарын ашу, кеңес жұмысшыларын машина құралдарын игеруге жақындату.
Әрине, КСРО құрамына кіретін әрбір Кеңестік Республикаға, автономиялық республика, облыс, аудандарға өзінің рөлі белгіленді. Қазақстанда индустрияландыру саясаты КСРО шикізат базасының рөлін белгіледі.
Қазақстандағы индустрия бірнеше қаржы көзінен белгіленді.
1. Орталықтың дотациясы.
2. Жергілікті шикізат көзі, қазба байлықтар.
3. Ауылшаруашылығы (астық пен мал шаруашылығы).
- Орталықтың көмегімен көбіне азамат соғысында қираған, тоқтап қалған заводтар қалпына келтірілді.
- Геологтар жергілікті жердің қазба-байлықтарын зерттеді. Ашылған кеніштер КСРО-ның Индустрияландырудағы қаржы саласының бір көзі саналды. Кеніштерден алынған шикізаттың басым бөлігі КСРО-ның басқа аудандарына жұмсалды.
- Индустрияландырудан кейін басталған ұжымдастыру - қазақ шаруаларының мал-мүлкін, астығын ұжымшар негізінде тартып алып заводтарға керекті құрал-жабдықтар сатып алуға жұмсады
Қазақстандағы Кеңестік индустрияландыру саясатының жағымсыз жағы -
- Екпінді құрылыс саналған өндіріс орындары бұқаралық сипат алып, еңбек ету құқығын қанауға әкелді. Партиялық ұрандар мен насихаттар адамның санасына әсер ете бастады
- Өндірістік орындарға партиялық бақылау қойылды.
- Ауыл шаруашылығы дағдарысқа ұшырады.
- Қазақстанның шикізаты сыртқа тасылды.
- Қазақстанда толық циклді заводтар салынбады.
Қазақстандағы Кеңестік индустрияландырудың жағымды жағы
- Қазақстанда геология саласы жақсы дамыды
- Қазақстанда теміржол саласы дами бастады
Сурет ғаламтордан алынды