Первая молитва
О, святая блаженная мати Ксение, страннице града Святаго Петра и всея России и всих православных народов дивная печальнице и чудотворице! Ты велиим и тяжким подвигом славы ради Божия на земли подвизалася еси, образ безумия на всеобщее посмеяние носящи, телесная же страдания, глад и хлад, жажду и наготу, и человечская и демонская стужания терпящи, благодать же Духа Святаго пребогатую еще в земнем житии стяжала еси. Сего ради сицевою благолепотою краснаго жития твоего, такожде и чудесы, многи и неверныя просветила еси и доселе просвещаеши, верным же многая всеразличная вспоможения, исцеления, утешения и всякая иная благодеяния подаеши.
Темже и мы, немощнии и всякому злу и нечистоте причастнии, отонудуже во многи скорби, обстояния и болезни впадшии, скорая и безотказная, и щедрая твоя вспоможения добре ведуще, с теплейшею верою и любовию к тебе притекаем и усердно молим: испроси нам твоими благоприятными ко Господу молитвами наипаче вся ко спасению благопотребная: разум к познанию заповедей Божиих просвети, сердце в твердой воли ко благочестию утверди, руце наша на благая деяния вооружи, возбрани же всякому нашему ко греху поползновению, мир Христов, всяк ум преимущ, и царство небесное, еже внутрь нас, даруй, такожде и многообразныя язвы наша уврачуй, от обстояний разреши, и всея жизни нашея течение исправи. Ближним нашим помощь Божию, просвещение духовное и телесных недугов свобождение подаждь. Вся ны от лютых агарянских нашествии защити, плененныя свирепыми безбожники братия наша свободи и порази безумную и богоборную врагов гордыню. Гладным же и немощным, бесприютным и всеми оставленным вся благопотребная душевная и телесная даруй. Не имущим жилища или места, идеже труждатися, пропитания ради, тая подаждь. Да вси прославим Бога, дивнаго во святых Своих, и твое милостивное предстательство, во веки веков. Аминь.
Вторая молитва
О, святая угодница Божия блаженная Ксения! Призри милостиво твоим оком на нас, раб Божиих (имена), честной твоей иконе умильно молящиеся и просящие у тебе помощи и заступления. Простри ко Господу Богу нашему теплыя твоя молитвы и испроси душам нашим оставление прегрешений. Се бо мы сердцем сокрушенным, и духом смиренным тебе ходатаицу милостивую ко Владыце и молитвенницу за ны, грешныя, призываем, яко ты прияла еси от Него благодать молитися за ны и от бед избавляти. Тебе убо просим, не презри нас недостойных, молящихся тебе и твоей помощи требующих, и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единаго, в Троице Святей славимаго. Отца и Сына и Святаго Духа, ныне и присно и во веки веков.
Третья молитва
О, преславная святая блаженная мати наша Ксение, теплая о нас пред Богом молитвеннице! Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением. Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.
Четвертая молитва
О препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы (имена), обуреваемии тлетворными обстоянии, тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние. О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.
Краткая биография Ксении Петербургской
Святая Ксения Петербургская, также известная как блаженная Ксения, родилась в 1719 году в Петербурге. Ее родители, Фекла и Ксенофонт, были знатными и богатыми людьми. В юности Ксения была известна своей красотой, образованием и общительностью.
Однако, в 26 лет произошло нечто, что изменило ее жизнь. Ее муж, архимандрит Андрей, внезапно скончался. Это событие потрясло Ксению до глубины души, и она решила отказаться от мира и посвятить свою жизнь служению Богу.
Ксения приняла постриг в монашество и начала вести аскетическую жизнь. Она отказалась от материальных благ и стала жить в бедности, постоянно молясь и помогая нуждающимся. Она добровольно выбрала бездомство, живя на улицах Петербурга и ночуя в разных храмах.
Святая Ксения стала известна своими пророческими способностями и способностью видеть будущее. Она помогала людям в их бедах и нуждах, предсказывала события и направляла людей на путь истины.
Ксения умерла в 1803 году, но ее имя и память остались живыми. Она была причислена к лику святых и стала покровительницей Петербурга. Ее молитвенная помощь и чудеса продолжают быть источником утешения и поддержки для многих верующих по всему миру.
