Թուրքիայի խորհրդարանը կքննարկի Ադրբեջանում թուրք զինվորականների ներկայության մանդատը մեկ տարով երկարաձգելու հարցը, հայտնում է Anadolu-ն։
Նրա խոսքով, երկրի նախագահը խորհրդարան է ներկայացրել համապատասխան օրինագիծ, որը նախատեսում է նոյեմբերի 17-ից մեկ տարով երկարաձգել Ադրբեջանում թուրքական առաքելության ժամկետը։
Փաստաթղթում նշվում է, որ համատեղ կենտրոնը, որը բաղկացած է Ռուսաստանի և Թուրքիայի զինված ուժերի զինվորականներից, հաջողությամբ շարունակում է իր գործունեությունը։ Նաև պնդում են, որ կենտրոնի միջոցով Թուրքիան «նպաստում է տարածաշրջանի անվտանգության ապահովմանը և կողմերի միջև վստահության ամրապնդմանը»։
2020 թվականի նոյեմբերի 11-ին Մոսկվան և Անկարան հուշագիր էին ստորագրել Լեռնային Ղարաբաղում հրադադարի ռեժիմը վերահսկելու համար ռուս-թուրքական համատեղ կենտրոն ստեղծելու մասին։
