Уфага беренчелек өчен көрәшергә Русия Эчке эшләр министрлыгының территориаль органнарыннан һәм 15 белем бирү оешмасыннан җыелма командалар, шулай ук Үзәк һәм Идел буе федераль округларыннан вәкилләр килде. Чемпионатның мәртәбәле кунагы - Башкортстан Премьер-министры Андрей Назаров - республика Бокс федерациясенең попечительләр советы рәисе. Ул җиңүчеләргә бүләкләр тапшырды. - Башкортстан спортның барлык төрләрен актив үстерә. Без спорт корылмаларын төзү, аларны заманча җиһазлар белән тәэмин итү өчен күп эшлибез. Узган ел гына республикада 252 спорт объекты файдалануга тапшырылган, ә аларның гомум саны 13 меңнән артып китә. Бу күрсәткеч буенча без - Русиядә икенче урында, "беренчелек пальмасын" Мәскәүдән генә оттырабыз. Киләчәктә дә лидерлык позицияләрен саклап калу өчен барысын да эшләячәкбез, - дип өстәде Андрей Назаров. Чарада шулай ук Башкортстан Республикасы буенча эчке эшләр министры вазыйфаларын вакытлыча башкаручы полиция генерал-майоры Артур Сәйфуллин, Хөкүмәт Премьер-министры урынбасары Ирек Сәгыйтов, спорт министры Руслан Хәбибов булды. Фото: pravitelstvorb.ru
