7 сыныптың Дүниежүзі тарихының XІX ғасырдағы Қытай мен Еуропа елдері атты бөлімі екі тақырыптан тұратындығы белгілі
1. Англия және Қытай үкіметтерінің хат алысуынан империализм туралы не біле аламыз?
2. Неліктен Апиын соғыстары осы күнге дейін қытай халқының есінде?
Оқулықтың 15-16 параграфтары
15 параграф Цин әулетінің оқшаулану саясаты. Апиын соғыстары
16 параграф Қытайдағы ихетуандар көтерілісі
15 параграфта Апиын соғысының себептері ашсаңыз, 16 параграфта Апиын соғыстарының салдарын айтасыз
Тақырыпты оқушыға түсіндіруде сіздер 16 параграфқа сүйенесіз. Оқушылар неліктен Апиын соғыстары осы күнге дейін қытай халқының есінде тақырыбын ашуда - апиын соғыстарының салдарын ашуы керек
Оқу мақсаты:
7.1.1.3 еуропалық державалардың отаршылдық экспансиясы кезеңіндегі Азия мемлекеттерінің (Қытай, Үндістан, Жапония) әлеуметтік құрылымындағы ерекшеліктерді анықтау;
7.2.1.2 миссионерліктің міндеттерін анықтау;
7.3.2.6 еуропалық отаршылдық экспансияның Шығыстың дәстүрлі қоғамдарына ықпалын сипаттау;
7.4.1.4 «экспорт», «импорт», «экспансия», «отарлау», «фактория» ұғымдарын қолдану арқылы, тауар-ақша қатынастарының дамуын түсіндіру
- Сабақтың басты ерекшелігі есірткінің қоғамға, мемлекетке кері әсер ететіндігін оқушыға түсіндіру
І. Сабақтың бастапқы кезеңі 5 минут
Оқушылармен сәлемдесіп, түгендеп, оқушыларды топқа бөліп аласыз
Оқушыларды топқа бөлгенде тақырыпқа байланысты атаулар бергеніңіз жөн.
Мысалы: апиын, жартылай отар, ихэтуаньдар, реформа немесе келісімдердің атауымен не тұлғалардың есімімен (Кан Ювей, Сунь Ятсен).
- Егер сыныбыңызда оқушыларыңыз көп болса - 3-4 топқа бөлгеніңіз жөн. 2-3 топқа бөлсеңіз, топқа біріккен оқушылардың біразы бос отырып қалуы мүмкін.
Үй тапсырмасын сұрауда - оқу мақсатын шығаруға байланысты сұрақтар қойғаныңыз жөн.
- Жеке жұмыс
- Қытай неге жабық есік саясатын жариялады
- Шетелдік миссионерлер Қытай қоғамына қалай әсер етті
- Апиын соғыстары қай жылдары болды
- Апиын соғыстары Қытайды қалай өзгертті
ІІ. Кезең: Мұғалімнің тақырыпты түсіндіру кезеңі 5 минут
Сіз апиын соғыстары аяқталғаннан кейін әлсіреген Қытайды Еуропалық мемлекеттердің әріқарай бөлшектей бастағанын атап өткенін айтып өткеніңіз жөн
Мысалы:
1.Францияның Үндіқытай түбегіндегі Қытай иеліктерін жаулап алуы
2. Ресейдің Қиыр Шығыстағы шекарасын өзгертуі
3. Жапонияның Тайваньды басып алуын айтып өтіп
«экспорт», «импорт», «экспансия», «отарлау», «фактория» ұғымдарының анықтамасын слайдқа көрсетіп қойғаныңыз жөн.
ІІІ. Кезең Топтық жұмыс 15 минут
Сіз топқа бөлінген оқушыларға бірнеше мәтіндерді бересіз
ПОПС әдісімен
ПТМС әдісімен
PRES әдісімен
Топтарға бөлген кезде, бағалау критериясымен беріп, өзара бағалатқаныңыз жөн.
IV кезеңде сіз суреттер сөйлейді тақырыбымен сыныбыңызда 30 оқушы болса - 15, 20 оқушы болса - 10 карикатуралық сурет үлестіресіз
15 минут
Мұндай суреттер ғаламтор бетінде жетерлік, 15-20 сурет шығады
Оқушылар апиын соғысының салдарынан Қытай халқының түскен жағдайын суретке байланысты айтып береді
IV. Сабақты қорытындылау кезінде 5 минут
Сіз еркін микрофон әдісімен сабақтың тақырыбын сауалғып қайтып алып келесіз
- Неліктен апиын соғыстары Қытай халықының әлі есінде
Оқушыларды бағалап, үй тапсырмасын бересіздер