Հայաստանում նախադպրոցական կրթական ծառայությունների մատուցումը՝ զարգացման կենտրոնները, կդառնան լիցենզավորման ենթակա:
«Լիցենզավորման մասին» Հայաստանի Հանրապետության օրենքում լրացում կատարելու մասին և կից ներկայացված օրենքների նախագծերի փաթեթն ԱԺ նիստում երկրորդ ընթերցմամբ քննարկմանը հայտարարեց ԿԳՄՍ նախարարի տեղակալ Ժաննա Անդրեասյանը:
Նրա ներկայացմամբ՝ նախագիծը նպատակ է հետապնդում կարգավորել նախադպրոցական կրթության ոլորտում վերահսկողության մեխանիզմներ:
«Նախադպրոցական կրթական ծրագրերից բացի, նաև լիցենզավորման դաշտ բերել նախադպրոցական ծառայությունները, որը թույլ կտա լիցենզավորման քաղաքականություն կիրառել նաև, այսպես կոչված, զարգացման կենտրոնների և տարաբնույթ ծառայությունների նկատմամբ»,-նշեց նա։
Օրենքն ուժի մեջ է մտնելու պաշտոնական հրապարակումից 6 ամիս հետո:
Ժաննա Անդրեասյանը նաև հավելեց, որ այն կենտրոնները, որոնք նոր պետք է սկսեն իրենց գործունեությունը, դրանց լիցենզավորման պահանջն օրենքում սահմանված է մինչև 2022 թվականի դեկտեմբերը: Լիցենզիաների վերաձևակերպման դեպքում պետական տուրքի գանձման հարց չի առաջանալու:
Լրացուցիչ տեղեկությունների համար այցելեք կայք
Հայաստանի նորությունները Telegram-ում
#Ժաննա Անդրեասյան
