«Сабантуй» спорт мәктәбе спортчысы Зилә Батыршина Хорватиянең Осиек шәһәрендә узган пуля һәм стендка ату буенча Европа чемпионатында хатын-кызлар арасында «Скит» олимпия күнегүендә көмеш медаль яулады. Зилә Россиягә Токио-2020дәге уеннарга Олимпия лицензиясен алып килде. Зилә өчен бу хатын-кызлар арасында «Скит»та континенталь чемпионатның беренче медале.
20 майдан 6 июньгә кадәр Хорватиянең Осиек шәһәрендә үтүче пулялы һәм стендка ату буенча Европа чемпионатында барлыгы 1000нән артык спортчы катнаша.
Батыршина Зилә һәм тренеры Алексеев Юрий Владимировичны югары нәтиҗә белән котлыйбыз!
