Coca Cola Superliga. Bugun "Mashal" "Qo'qon-1912"ni, "Bunyodkor" "Andijon"ni mehmon qiladi
Teglar :
Qo'qon-1912 Mashal Andijon BunyodkorCoca Cola Superliga
Bugun Coca Cola Superliganing 20-turidan o'rin olgan navbatdagi ikkita o'yin bo'lib o'tadi.
Muborakda "Qo'qon-1912" klubi "Mashal" mehmoni bo'ladi. "Andijon" esa Toshkentda "Bunyodkor" bilan kuch sinashadi.
Coca Cola Superliga. 20-tur
MASH'AL – QO'QON-1912
22 oktyabr 2020 yil. Muborak. B.Vafoev nomidagi stadion. 16:00
Hakamlar: Jasur Muxtorov, Avaz Abdullaev, Sardor Nishonboev, Farruh Yansupov
Nazoratchi: Marat Ismoilov
Komissar: Zohirjon Akramxonov
Bu jamoalar shu paytga qadar chempionat doirasida 13 marta to'qnash kelishgan. “Mashal” o'yinlarning 7 tasida zafar quchgan, 3 ta bahsda qo'qonliklarning qo'li baland kelgan. 3 ta uchrashuvda durang natija qayd etilgan.
To'plar nisbati – 22:13, “Mashal” foydasiga. O'zaro o'yinlarda “Mashal” 24 ochkoni qo'lga kiritgan. “Qo'qon-1912” ochkosi 12 tani tashkil etadi.
Birinchi davrada Qo'qonda o'tgan bahsda mezbonlar 2:0 hisobida g'alaba qozonishgandi.
BUNYODKOR – ANDIJON
22 oktyabr 2020 yil. Toshkent. "Bunyodkor" stadioni. 18:00
Hakamlar: Akobirxo'ja SHukurullaev, Jalg'asbay Sarsenov, Damir Iskanderov, Nayim Qosimov
Nazoratchi: Noil Lutfullin
Komissar: Zohid Akramov
Bu klublar bugunga qadar O'zbekiston chempionatida 21 marta o'zaro o'yin o'tkazishgan. Katta ustunlik "Bunyodkor" tomonida. "Qaldirg'ochlar" 15ta uchrashuvda g'alabaga erishishgan. Yana oltita bahsda durang kuzatilgan. "Andijon" hozirga qadar "Bunyodkor"ni umuman mag'lub eta olmagan.
O'zaro o'yinlarda "Bunyodkor" 34ta gol urib 4ta gol o'tkazgan.
"Bunyodkor" maydonida o'tgan oxirgi o'zaro 5ta o'yinda "burgutlar" raqib darvozasiga umuman gol ura olishmagan. "Andijon" bu jamoa maydonidan faqat 2012 yilgi mavsumda durang bilan qaytgan, qolgan 9ta safardagi bahsda mag'lubiyat qayd etilgan.
