Республика командасы Спартакиада финалында катнашачак.
2-5 июльдә “Соколенок” балаларны сәламәтләндерү лагере базасында “Спортивный Олимп Приволжья” XIII республика Спартакиадасы узды. Анда катнашучылар мини-футбол, волейбол, стритбол, өстәл теннисы, җиңел атлетика, шашка, шахмат, дартс, йөзү буенча көч сынашты.
Ярышларда 12 балалар йортында тәрбияләнүче 100 бала катнашты. 5 июльдә Спартакиаданы тантаналы ябу кичәсендә җиңүчеләр билгеләнде.
Җиңүчеләр исемлегендә:
1нче урында — Бөре балалар йорты;
2нче урында — Үзән балалар йорты;
3нче урында — Ш. Ходайбирдин исемендәге 1нче республика балалар йорты.
Җиңүчеләрнең иң-иңнәре сентябрьдә Саранск шәһәрендә узачак финал Спартакиадасына юлланачак.
Фото: (Фото Мәгариф министрлыгы сайтыннан алынды)
