ЯТВ - Ямальский район

Мань ёльце сомбой яхана, Ямалхана, иледм’. Малсяда, таӈго выӈгана нёлёкоця таӈоцями Сюнай-Салями лыӈгарёда то”олха. Пыда районана” ӈарка хард Яр-Саля’ хэвхана ӈа. Ябдана нюдя ӈэва’ илми тюку яхана миӈа. Сямянхат харвобтана пони пой – таӈы. Таӈы нумгана мяни тер’ ня’ ӈодиманзь етри’ ядэрцетыва”. Нерде мараӈга савумзеты, ӈодида солототэйраха”, ёльце ӈаводоӈа”, сарена”. Таддикахад лынзермя савуворӈа, тикы нянда пуд ламдуй холкаӈга, ӈэрё’ някуна емзьдей юӈга. Выӈгана ӈодя” сяхариндо’ таня”, ӈодимахав...

Тюку манзаими нисяхаюни-небяхаюни няю’ ватоларамбив: нисяеми Салиндер Нюдяко Апаевич, небяеми Салиндер (Анагуричи) Ульяна Аслямовна хар”ни яни хэбябцо” теневавани е”эмня, хар”ни ями мэневани няю’ си”ми вадабихинзь, тохоламбихинзь, ӈока сава серо илаӈгананди’ сертаӈаханзь. Пыди’ ватоди’, табекуди’ ил’ тенеӈгун, ил’ нёдаӈгун… Мань теда’ илека ӈэдалёр”ман’ сидда” хаӈадм’, вы’ яна” сеян’ пяӈгува”, тикы яхана ты тэри’ тарця ӈамгэ ни ӈа”, тикэхэвава” ил’ паӈг, невхы табеком’ нёдана ӈамгэ, илм’ савумдамбада...

Ӈэрм' тер” ненэцяӈгана халя саць тарана ӈавар” тэнз. Халясипой ненэцяи” ӈокаюм’ пеля я”амада. Тикы’ хавна халям’ пэрма ила’ серма. Выӈгана илена ненэця”, ӈэрм’ тер” сэвто’ тяхад халям’ хадабавы”. Тад тикы’ хавна халям’ пэрма ненэця” манзъяӈэ мэ”ӈадо’. – Ӈавна халя’ манзъям’ пэрӈадамсь. Тамальӈгана сидя юдмян’ поми ӈэвы ӈэваӈгабя. Ӈарка ненэцяи” ня’ яв’ ня ханцетыва”. Теда’ тамальгы ня”мы нини’ пелдо’ юӈгу”. Мер” хубтахана яв’ ня’ хэсетыва”. Мат часхана мале яв’ ня’ ялтын. Таняна поӈга ӈока. Яӈга’ сим’ сипаӈгун...

Нумда нарэйма. Яля’ сэвкако тэри ябире. Выӈгы ил’ хонёвы’ то”олха. Яра’ ирыхана я сидейць. Ненэй ненэця’ яля’ падаркана, луца’ яля’ падаркана яра’ иры ваерась. Иры’ пунярина тецьда” ланумаць. Тад сиениць иры ӈадимя. Хэвы ирыхана ненэцяи” мазъядо’ ӈокась Теда’ луца’ яля’ падаркана сиениць иры миӈа. Ирын’ сырап’, ӈобтарем’ несэй иры миӈа. Теда’ мале минюй ӈэӈгу. Тев’ ёльцяӈгана выӈгана илена” ненэцяи” манзъядо’ ӈокворӈа. Пыдо’ таӈы мюслава яхато’ ёнда”. Хэвы ирыхана хой’ тер” тэри ниць мэ”. Яра’ ирыхана, яля’ сэв’ ту”юна хэва’ сер”, яля’ ямбума’ сер”, выӈгана ил’ манзадаӈга...