ЯТВ - Ямальский район

Сеяха’ харад, ӈани’ хардаха’ манэць, няхатата хубта. Ӈамгэ хубта ӈэбтанод’, тюкохона илева’ пирувна хусувэй ӈамгэ таня. Теда’ миндя иры’ нерня не” СОК «Айсбергхана» сянакуць. Сеяха’ тохолкова мякна манзрана”, физкультурам’ пэртя” ӈобт’ ӈацекыдо’ ма”лавыдо’. Ӈокханда тет команда сянакуць: «Сеяхиночка», «Ямалочка», «Дружба», «Северяночка». Не”, не ӈацекы” сидя яля’ сянакуць, пирдырӈаць. Ӈокханада мат” играм’ мэӈаць. Тарць’ малха”на тохолкода” ӈацекы” «Сеяхиночка» няхатато’ ва”лёйрка” ӈэвы”. – Волейболхана сянакованда не ӈацекы мале ӈока...

Хусувэй’ по’ я’ тиӈгэвна лимбя’ иры’ 21 яляхана ӈоб’ ӈарка хэбидя ялям’ мэцетыва”. Тикава’ «Сямян ненэця” тэнз харта соя”ма ваданда яля». Ӈавхы саю пирдалемя’ пуд, тюкы яляха”, 80 по ваера. Тад, я’ сяр” ниня, сямян харта соя”ма яхананда иленя ненэцяи” тэнз”, юд” по’ ямбан’ таславы манзъидо’ таня”. Тикы няю” ӈобтарем’ мероприятия хамедавы”. Ӈани’ нито’ нерня’ ненэй вадавна диктантм’ Сёяха’ тохолкова’ мяд’ манзрана”, тохолкода” падыбиць. Сёяха’ тохолкова хардахана тикы яля’ няю” манзрана” ӈарка ненэця”, тохолкода” ӈацекы” диктантм’ падыбиць...

Яляси’ я’ сяр’ ниня ил’ юӈгу. Яля’ сэвси’ я’ ниня ила’ юӈговам’ хусувэй хамедамбида. Теда’ ненэй ненэцяи” яля’ падаркана нюдя пэвдей’ иры миӈа. Теда’ минда иры’ еркна ӈэрм’ няна хаер” я’ ни’ ӈадимсеты. Тикы сер” сямян ненэцяӈгана саць сава сер”. Хой’ тер”, хардахана илена” ненэцяи” тэнз’ хэбидя ялядарев’ мэӈадо’, саць ӈатедо’. Ханзер” Сёяха’ тер” ялям’ ӈате, тикы яляхана ӈаво пэрӈа”, теда’ толаира”. Хаер” я’ сяр” ниня тарабцода саць ӈока, саць ӈарка. Хаерци’ я’ сяр” ниня ил’ юӈгодавы. Луца’ вадавна хэта «Землям’» нюбета илесь яна’ ниня сяни’ по’ тяхана ил’ ӈадимы...

Ӈарка ненэця” ӈэбто”, тохолкода” ӈацекы” сырэй ныланава ялэ мале ӈахакуд вадець пясетыдо’ Хой’ тер” ӈэрёй тохолкованзь хэвы нюдо’ вадець, ӈатери пясеты”. Школахана мэна” хой’ мякандо’ харва”. Хардахана хурка иба ӈэбтанод, хурка хусувэй ӈамгэ ӈуда’ ӈылна ӈэбтанод, тареӈо’ ӈацекы” нисянахато’ небянахато’ харвани”им”. – Мань ныланава ялэни’ хойняна мэ”эйн. Едэй по’ яля’ нерцюня мякна’ хаяваць. Хаця’ тецяркась. Тецьда” яляха”на мяд’ мюня мэсетым’, мамами’ нядабасетым’. Нюдя хасава ӈацекы нями’ маниесетыдм’, сянакултамбсетыв...

Леонид Васильевич Лапцуй ненэй вадаʼ ед тарци вади мэсыдоць, тоена хэтась: «Ненэцяʼ вада мэсыдота вада, мирць теневани харʼ силилаха». Тикы вади намда”махадани хар”ни вадани нямна ими ядэлыць, ханзер”, ся-ӈокувна ненэй вадава” тэта хэб”нанда, мэсыдотаӈы? Соя”махадани вадами мэ”ӈав, лексикамʼ тохоламба пявани сер”, лакриʼ пысэйв”, луцаʼ вадавна тыʼ нюмʼ ӈопой вадавна хэтыбада: «Оленёнок». Маня” ӈаниʼ су”лякуна” пэрабцодоʼ хуркари”: «Ӈавка – мякы су”ляко, нядако – ёльце пуда соя”вэко, таско – тандаяʼ ӈадимэко”»...

Нюдя ӈэ”мя илми – тикы мяни терʼ няць сырита-таӈота мюсермава”. Мюсермаʼ илаӈганани сямянхат хамзанани, мэненани нямна лахарёми мэ”манʼ харвадмʼ. Тикы небяни неӈган – хобакораха, мань си”ми, ӈарка нини вадавы. Тикы ханхад ёльце сава лимбикако ини ядэрабцо” пере”. Тикы ханкоко мяд’ нёӈыʼ хэвхана ну, сомбойва, паскойва. Пыда сита мюсева’ мальӈгана няби мяӈэ вадецетыдоʼ. Ёльце ядемба мюнанда юйдёсьтыдмʼ, мюнанда ӈаворцетыдмʼ, хонёсетыдмʼ, сава нумгана нусетыдмʼ, ӈавкахани сырцетыдмʼ. Тарця мэсыдота...

Мань илми выӈгад пере, Сэротэти тухуд ӈадм’. Еркарами ӈамгэмʼ ваде”? Тюку еркархана ӈарка выми тэсавэй ӈади. «Сэротэтто» луци” вадавна хэтаб” «сэр” тэсавэй ненэцьʼ». Малʼ маня” невхы ва”алмʼ теневава”, ӈоб” вэсако хасава нюта ӈарамзь нюда” е”эйдевыда. Тамальӈгана мань невхы ириеми нисяхаданда сэр” ты ня”амвакы. Мань няни ӈацяв манзеты, невхы похона мань ирихэюн-хадахаюн тэдиʼ тянё ӈэвы, сэр” ты” нямнахав лахарёхот яӈговы ӈэванаӈгабя”. Мань теда мяна” тумʼ ӈэдавы ненэцяна” нямна, нисянʼ хадаеʼ нямна, лахарёмʼ ханаӈгудмʼ...

Ненэй ненэцяи” сянакоця” – мяк’ турта” мядонсэйӈэ, сава нянд ӈуда’ терӈэ Я’ мидхэхэд хусувэй ненэцяи” тэнз’ харто’ сянакудо’, харто’ сянакубцодо’ танявы”. Хуркари ненэця’ тэнз’ сянако тарабцода ӈарка. Сянако” лаханакодарев’, ярабцадрев’ я’ невхы ненэця’ ила’ сермам’ минре”. Сёяха’ хардахана ӈоб’ сава нява’ мале сян’ по’ ӈухуко сэдыби. Алла Вануйто тикы манзъямда индя ядан’ минреда. Ситя табедамбда юӈгу, харта ивнанда сэдора. Теда’ лахарёхонана’ ваде”тада, ханзер” ӈухуку сэдыбя пявы, ненэй ненэця” илаӈгана сянако ӈамгэхэна таравам’ ваде”та...

Сямян ненэця’ тэнз я’ мидхэхэд лаханакоду” таня”. Лаханако’ хавна хуркари сё”, хынабц” сертабавы”. Хуркари ненэця’ тэнз’ харта иланда серма, иланда саир”, иланда мэсыр”. Тарем’ ӈод хынабца, лаханако ӈадибермы”. Хусувэй лаханако ӈэбта тароси’ ваде”мы ниӈа’. Сеяха’ хардахана, выӈгана лаханако мэта”, ярабц вадета” тамна таня” Ненэй ненэця’ хынабцахана я’ невхы илам’ ваде”ӈа. Тарем’ инзелеб’ сэв” нерня’ хэвы иле”мя ӈадиберна”. Я’ мидхэхэд ненэй ненэця”, тад ӈани ненэцяи” тэнз’ харто’ помнандо’ сай”нормы”...

Вэба’ иры’ 27 яляхана маня” ӈарка яна’ тиӈгэвна ӈоб’ хэбидя ялям’ мэ”ӈаваць. Тикы тарем’ со – ӈацекэхэ” на манзрани’ яля. Сёяха’ хардахана тохолкова мякна ӈокханда тоходанна ӈацекы мат” юр” няю” ӈа. Тикы” няби пелято’ нисянадо’ небянадо’ выӈгана иле”. Ӈацекы” интернатхана иле”. Хой’ тер” ӈацекэхэ”на воспитатель” манзра”. Пыдо’ няюндо’ сава вадам’ ваде”тава” Хусувэй’ по’ школан’ несэй ӈацекы” тохолкованзь турӈа”. Ӈарка ӈацекы” тохолко малесятыд”, нюдя нидо’ турӈа”. Небянадо’ нисянадо’ илева” выӈгана мюсярӈа”...

На Ямале немало мест, которые считаются особо охраняемые. Кто их придумал и для чего? Ямал яханана’ сянда я мале ӈока. Луца’ вадавна тарем’ со: заповедник, заказник. Тикы’ хавна сянда яӈэ хой’ тер” хэхэ”я”, хэбидя я” толы”. Тад вы’ тер” илесь я, мюсярць я ӈобтарем’ сянзь тара”. Маня” Ямальской районханана’ заказник сидя пеляда. Сянда я’ ӈоб’ пеляда ӈэрм’ няюна ӈа. Ямал’ малхана ӈэда Сэр’ ӈо, тад ӈэрм’ няю” сырап’, маха’няӈы хэвда ӈобтарем’ сянда я ӈэдараха. Тиканда хавна Итя ӈабтеня’ вархы Малыгин’ нюмна нюмдевы ид’ пеля...

Теда’ миндя иры ненэй ненэця”, вы’ тер” сырэй иры”ӈадо’. Луца’ яля’ падаркана март иры нарэй по’ пеля иры Ӈэрм’ няна ядембада яля” мер” ни’ тэвор”. Хой’ терха”на нарэй яля” – сыра’ холканава, я’ ний сырасялмдна. Ненэй ненэцяи” яля’ падаркана тев’ ёльцянгана несэй по пэй’. Вынгана по’ тид хая, яля’ сэв ӈока. Хой’ тер” пихиня манзра”. Манзъидо’ мале, хуняна хахаяда мят’ мядоманзь ханда”. Хардахана, выӈгана ненэця” ӈобт’ тэворӈа”, лаханакурӈа”, сянаку”, пирдырӈа”. Ненэй ненэцяи” яля’ падар’ тэри яхад ӈадимы вуниӈа”...